క్రియేటివ్ దర్శకుడు సుకుమార్ ప్రస్తుతం పుష్ప సినిమాతో బిజీగా ఉన్న విషయం తెలిసిందే. ప్రతిరోజు షూటింగ్ తో బిజీగా ఉన్నా సుక్కు ఇటీవల మహేష్ బాబు ని కలవడం హాట్ టాపిక్ గా మారింది. ఈ విషయంపై సోషల్ మీడియాలో అయితే అనేక రకాల కథనాలు అయితే వెలుడుతున్నాయి. ఈ కాంబినేషన్ లో గతంలో వన్ నేనొక్కడినే సినిమా వచ్చిన విషయం తెలిసిందే. కానీ ఆ సినిమా బాక్సాఫీస్ వద్ద బిగ్గెస్ట్ డిజాస్టర్ గా నిలిచింది.
అయినప్పటికీ సుకుమార్ తో మహేష్ బాబు మరో సినిమా చేయాలని అనుకున్నాడు. పుష్ప కంటే ముందు వీరి మధ్య ఒక ప్రాజెక్ట్ పై చర్చలు కూడా జరిగాయి. కానీ మహేష్ ఎందుకో ఒప్పుకోలేదు. ఇప్పుడు సుకుమార్ బాగా హర్ట్ అయినట్లు కూడా అనేక రకాల రూమర్స్ అయితే వచ్చాయి. కానీ ఆ తర్వాత వారి ఇద్దరి మధ్య ఎలాంటి విభేదాలు లేవని మళ్లీ కలుసుకోవడంతో అర్థమైంది. ఇక చాలా రోజుల తర్వాత మహేష్ బాబు ఒక యాడ్ షూట్ లో ఉండగా సుకుమార్ కలిశాడు.
ఇక వీరిద్దరూ ఎందుకు కలిశారు అనే విషయం పై ఇంకా సరైన క్లారిటీ అయితే రాలేదు. ఒక విధంగా అయితే నార్మల్ గానే కలిసినట్లు తెలుస్తోంది. ఇక ప్రస్తుతం మహేష్ బాబు సర్కారు వారి పాట సినిమాతో బిజీగా ఉన్న విషయం తెలిసిందే. పరశురామ్ దర్శకత్వంలో తెరకెక్కుతున్న ఆ సినిమా వచ్చే ఏడాది సంక్రాంతి కానుకగా విడుదల కానుంది. తదనంతరం త్రివిక్రమ్, రాజమౌళి సినిమాలను లైన్ లో పెట్టనున్నాడు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
