పవర్ స్టార్ పవన్ కళ్యాణ్ సినీ కెరీర్ లోని బ్లాక్ బస్టర్ హిట్ సినిమాలలో గబ్బర్ సింగ్ సినిమా ఒకటనే సంగతి తెలిసిందే. ఈ సినిమా పవన్ కెరీర్ లో ఎక్కువ మొత్తంలో లాభాలను అందించిన సినిమాలలో ఒకటిగా నిలిచింది. ఈ సినిమాకు బండ్ల గణేష్ నిర్మాత అనే సంగతి తెలిసిందే. శృతి హాసన్ ఈ సినిమాలో హీరోయిన్ గా నటించగా ఈ సినిమా నిర్మాతలకు కళ్లు చెదిరే స్థాయిలో లాభాలను అందించింది.
అయితే సెప్టెంబర్ 2వ తేదీన పవన్ పుట్టినరోజు కానుకగా ఈ సినిమా రీ రిలీజ్ కానుందని ప్రచారం జరగగా గబ్బర్ సింగ్ రీ రిలీజ్ విషయంలో బండ్ల గణేష్ వెనక్కు తగ్గినట్టు సమాచారం. పవన్ పుట్టినరోజు కానుకగా గుడుంబా శంకర్ రీ రిలీజ్ కానున్నట్టు కొంతకాలం క్రితమే ప్రకటన వెలువడింది. గబ్బర్ సింగ్ సినిమాను కూడా రిలీజ్ చేస్తే రెండు సినిమాలకు ఆశించిన స్థాయిలో కలెక్షన్స్ వచ్చే ఛాన్స్ లేదు.
గబ్బర్ సింగ్ సినిమాను గుడుంబా శంకర్ సినిమాకు పోటీగా విడుదల చేయడంపై పవన్ ఫ్యాన్స్ అసంతృప్తి వ్యక్తం చేశారు. పవన్ అభిమానులను హర్ట్ చేయడం ఇష్టం లేక బండ్ల గణేష్ (Bandla Ganesh) ఈ నిర్ణయం విషయంలో వెనక్కు తగ్గారని సమాచారం. బండ్ల గణేష్ నిర్ణయం విషయంలో పవన్ కళ్యాణ్ ఫ్యాన్స్ సంతృప్తి వ్యక్తం చేస్తున్నారు. గబ్బర్ సింగ్ సినిమాను మరో సమయంలో రీ రిలీజ్ చేయాలని బండ్ల గణేష్ భావిస్తున్నారు.
పవన్ పుట్టినరోజు కానుకగా త్వరలో పవన్ కొత్త సినిమాలకు సంబంధించి మరిన్ని అప్ డేట్స్ రానున్నాయి. పవన్ కళ్యాణ్ సినిమాల రిలీజ్ డేట్లకు సంబంధించి కూడా అప్ డేట్స్ రానున్నాయి. పవన్ కళ్యాణ్ భవిష్యత్తు ప్రాజెక్ట్ లతో సరికొత్త రికార్డులను క్రియేట్ చేయనున్నారని తెలుస్తోంది. సినిమా సినిమాకు పవన్ కు క్రేజ్ పెరుగుతుండటం ఫ్యాన్స్ కు ఆనందాన్ని కలిగిస్తోంది.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
