Mahesh, Trivikram: త్రివిక్రమ్ కు ఆ బ్యానర్ కు మధ్య దూరం పెరిగిందా?

మూడు రోజుల క్రితం హైదరాబాద్ లో సర్కారు వారి పాట సినిమా ప్రీ రిలీజ్ ఈవెంట్ గ్రాండ్ గా జరిగిందనే సంగతి తెలిసిందే. మహేష్ బాబుతో సినిమాలను తెరకెక్కించిన డైరెక్టర్లు ఈ ఈవెంట్ కు హాజరై సందడి చేశారు. అయితే త్రివిక్రమ్ ఈ ఈవెంట్ కు హాజరు కాకపోవడానికి మైత్రీ మూవీ మేకర్స్ తో ఉన్న గ్యాప్ కారణమని తెలుస్తోంది. గతంలో త్రివిక్రమ్ మైత్రీ మూవీ మేకర్స్ దగ్గర అడ్వాన్స్ తీసుకుని కొన్ని కారణాల వల్ల ఆ అడ్వాన్స్ ను వెనక్కు ఇచ్చేశారు.

అయితే త్రివిక్రమ్ అడ్వాన్స్ వెనక్కు ఇచ్చేసినా త్రివిక్రమ్ కు, మైత్రీ నిర్మాతలకు మధ్య గ్యాప్ ఏర్పడింది. సర్కారు వారి పాట ఈవెంట్ కు మైత్రీ మూవీ మేకర్స్ నుంచి త్రివిక్రమ్ కు పిలుపు రాలేదని మహేష్ తో గతంలో పని చేసిన డైరెక్టర్లకు పిలుపులు అందినా మహేష్ తో త్రివిక్రమ్ సినిమా ఉందని తెలిసి కూడా మైత్రీ మూవీ మేకర్స్ నిర్మాతలు ఈ విధంగా చేశారని ఇండస్ట్రీలో వినిపిస్తోంది. కొన్నిరోజుల క్రితం త్రివిక్రమ్ వల్లే పవన్ మైత్రీ నిర్మాతల కాంబినేషన్ లో తెరకెక్కాల్సిన భవదీయుడు భగత్ సింగ్ షూట్ వాయిదా పడిందని వార్తలు ప్రచారంలోకి వచ్చాయి.

త్రివిక్రమ్ శ్రీనివాస్ టాలీవుడ్ ఇండస్ట్రీలో టాప్ డైరెక్టర్ కాగా మైత్రీ మూవీ మేకర్స్ టాలీవుడ్ లో టాప్ నిర్మాణ సంస్థ కావడం గమనార్హం. మహేష్ బాబు వివాదాలకు దూరంగా ఉంటారు కాబట్టి ఈ విషయంలో జోక్యం చేసుకోలేదని సమాచారం అందుతోంది. మరోవైపు మహేష్ త్రివిక్రమ్ కాంబో మూవీ అతి త్వరలో సెట్స్ పైకి వెళ్లనుంది. ఈ సినిమా నెక్స్ట్ లెవెల్ లో ఉంటుందని మహేష్ చెప్పుకొచ్చారు.

త్రివిక్రమ్ శ్రీనివాస్ ఈ సినిమాతో మహేష్ బాబుకు ఇండస్ట్రీ హిట్ ఇవ్వాలని ఫ్యాన్స్ భావిస్తున్నారు. హారిక హాసిని క్రియేషన్స్ నిర్మాతలు ఖర్చు విషయంలో రాజీ పడకుండా ఈ సినిమాను నిర్మించనున్నారని తెలుస్తోంది. వరుస విజయాలతో ఫుల్ ఫామ్ లో ఉన్న త్రివిక్రమ్ శ్రీనివాస్ తర్వాత సినిమాతో ఎలాంటి ఫలితాలను అందుకుంటారో చూడాల్సి ఉంది. వచ్చే ఏడాది ఫస్ట్ హాఫ్ లో ఈ సినిమా విడుదల కానుంది.

దొంగాట సినిమా రివ్యూ & రేటింగ్!

Most Recommended Video

అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!