ఎన్టీఆర్, తారకరత్న మరణాలకు ఉన్న పోలిక ఏంటో తెలుసా..!

నందమూరి తారకరత్న మరణంతో నందమూరి – నారా కుటుంబాల్లో తీవ్ర విషాదం నెలకొంది.. గత 23 రోజులుగా బెంగుళూరులోని నారాయణ హృదయాలయ ఆసుపత్రిలో చికిత్స పొందుతున్న తారక రత్న.. ఫిబ్రవరి 18న కన్నుమూశారు.. కోలుకుని, కొద్ది రోజుల విశ్రాంతి అనంతరం తిరిగి వస్తారనుకున్న కుటుంబ సభ్యులు, అభిమానులు, పార్టీ వర్గాల వారు భావించారు.. వారి ప్రార్థనలు ఫలించలేదు.. 39 ఏళ్లకే తిరిగిరాని లోకాలకు వెళ్లిపోయారు..

తారక రత్న – అలేఖ్య రెడ్డి దంపతులకు ముగ్గురు పిల్లలు.. మొదట కుమార్తె, తర్వాత కవలలు (పాప – బాబు) పుట్టారు.. తాత ఎన్టీ రామారావు పేరు వచ్చేలా ముగ్గురు పిల్లలకు పేర్లు పెట్టుకుని తాత గారి మీద ప్రేమను చాటకున్నారు తారక రత్న.. పెద్ద పాప పేరు నిషిక (N), తనయుడు తనయ్ రామ్ (T), రెండో పాప పేరు రేయా (R).. ఇలా NTR అనే అర్థం వచ్చేలా తమ చిన్నారులకు పేర్లు పెట్టుకున్నారు.. పిల్లలు ముగ్గురు తాత బాలయ్యతో కలిసి ఉన్న పాత ఫోటో ఒకటి నెట్టింట వైరల్ అవుతోంది.. ఆ ఫోటో చూసి అభిమానులు, పార్టీ వర్గాల వారు, సినీ పరిశ్రమ వారు భావోద్వేగానికి గురవుతున్నారు..

ఇదిలా ఉంటే.. స్వర్గీయ నందమూరి తారక రామారావు 1996 జనవరి 18న స్వర్గస్థులయ్యారు.. తారక రత్న అదే తేదీ ఫిబ్రవరి 18న శివరాత్రి నాడు కన్నుమూశారు.. అంటే తాత మరణించిన నెల రోజులకు అదే తేదీన కాలం చేశారు.. ఈ విషయం తలుచుకుంటూ నందమూరి అభిమానులు, కుటుంబ సభ్యులు, తెలుగుదేశం పార్టీ వర్గాల వారు ఎమోషనల్ అవుతున్నారు.. తారక రత్న మరణ వార్తతో చిత్ర పరిశ్రమ వారంతా షాక్ అయ్యారు.. ప్రధాని మోడీ మొదలు సినీ, రాజకీయ రంగాలకు చెందిన వారంతా సంతాపం వ్యక్తం చేస్తూ.. నివాళులర్పిస్తున్నారు.

బాబాయ్ బాలయ్య బాధ వర్ణనాతీతం.. బాలయ్యను చూడగానే తారక రత్న పెద్ద కుమార్తె నిషిక పరిగెత్తుకుంటూ వచ్చి ఆలింగనం చేసుకోవడం అందర్నీ కలచివేసింది.. అబ్బాయి ఆరోగ్యంగా తిరిగి రావాలని కోరుకుంటూ ప్రత్యేక పూజలు చేసిన బాలయ్య.. తారక రత్నను అలా చూసి కంటతడి పెట్టారు.. తారక రత్న కుటుంబం తమ కుటుంబంలో భాగమని.. తారక్ భార్య అలేఖ్య రెడ్డి, ముగ్గురు పిల్లల బాధ్యత తాను చూసుకుంటానని మాటిచ్చారు.. బాలయ్యకి తారక రత్న కుటుంబం రుణపడి ఉంటుందని విజయ సాయి రెడ్డి చెప్పారు..