‘బేబీ’… గత రెండు వారాలుగా టాలీవుడ్లో ఈ సినిమా గురించే మాట్లాడుకుంటున్నారు. చిన్న సినిమాగా మొదలైన ఈ సినిమా ఇప్పుడు భారీ స్థాయిలో వసూళ్లు సాధిస్తోంది. అయితే ఈ సినిమా విషయంలో విడుదలైనప్పటి నుండి ఏదో ఒక చర్చ, రచ్చ, పుకార్ల ప్రకంపన నడుస్తూనే ఉంది. ఈ మొత్తం వ్యవహారం దర్శకుడు సాయిరాజేశ్ చుట్టూనే తిరుగుతోంది. చిరంజీవి ముఖ్య అతిథిగా ఇటీవల జరిగిన సినిమా ప్రచార కార్యక్రమంలో ఈ సినిమా ఇప్పుడు ఇలా రావడంలో దర్శకుడు మారుతి హస్తం ఉందని తేలిపోయింది.
ఆ సభలో చిరంజీవి మాట్లాడుతూ… మారుతి పేరును ప్రముఖంగా ప్రస్తావించారు. దీంతో అసలు ఈ సినిమాలోకి మారుతి ఎలా వచ్చారు, అంత ప్రముఖంగా ఎందుకు మారారు అనే చర్చ నడిచింది. ఈ సినిమా రిలీజ్కు ముందు ప్రచారంలో, రిలీజ్ అయ్యాక తొలి నాళ్లలో జరిగిన ప్రచారంలో మారుతి ప్రస్తావన లేదు. అయితే తాజాగా సాయిరాజేశ్ మాట్లాడుతూ ‘బేబీ’ సినిమాలోకి వచ్చారు అనే విషయం చెప్పుకొచ్చారు. మారుతి ఈ సినిమాలో ఎంటర్ అవ్వడానికి నిడివే కారణం. అది కూడా మామూలు నిడివి కాదు.
‘బేబీ’ (Baby Movie) సినిమా చిత్రీకరణ పూర్తయ్యాక చూసుకుంటే… సుమారు రెండు సినిమాల నిడివి వచ్చిందట. ప్రస్తుతం అందరూ చూస్తున్న ‘బేబీ’ సినిమా నిడివి సుమారు 3 గంటలు. అయితే తొలుత సిద్ధం చేసిన సినిమా ఐదు గంటల 25 నిమిషాలు. అవును మీరు చదివింది కరెక్టే. అంత పెద్ద సినిమాను సిద్ధం చేశారట సాయి రాజేశ్. దీంతో సినిమాను కుదించే పనిలో పడ్డారు. ఈ క్రమంలో లాంగ్ షాట్లు కట్ చేస్తూ మూడు గంటల 35 నిమిషాలకు తీసకొచ్చారట.
అందులో సెకండాఫ్ నిడివే రెండు గంటలు వచ్చిందట. ఆ సమయంలో మారుతి సినిమాలోకి వచ్చారట. సినిమాను కట్ చేస్తూ చివరికి 3 గంటల రన్ టైం ఫైనలైజ్ చేశారట. ఆ తర్వాత ఇంకా తగ్గిస్తే బాగోదు అని అనుకుని అక్కడితే సినిమాను ఫైనల్ చేసి రిలీజ్ చేశారట. ఇదన్నమాట బేబీలో మారుతి కాన్సెప్ట్.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
