మహేష్‌బాబుకి స్పెయిన్‌లో సర్జరీ జరిగింది. గత రెండు రోజులుగా సోషల్‌ మీడియాలో వినిపిస్తున్న, కనిపిస్తున్న వార్త ఇది. అయితే ఎందుకు జరిగింది? అసలు మహేష్‌కి ఏమైంది అనే విషయం మాత్రం బయటకు రావడం లేదు. అసలు సర్జరీ గురించే ఎలాంటి అధికారిక సమాచారం లేదు. ఇక ఎందుకు జరిగిందో తెలుస్తుంది అనుకోవడం కష్టమే. అయితే మహేష్ సన్నిహిత వర్గాల నుండి మాత్రం ఓ సమాచారం వస్తోంది. దాని ప్రకారం చూస్తే… ఇది పాత గాయమే అని సమాచారం.
అది ‘స్పైడర్‌’ సినిమా షూటింగ్‌ జరుగుతున్న సమయం. మహేష్ మోకాలి విషయంలో కాస్త ఇబ్బంది పడ్డారు. అది చాలా ఇబ్బంది పెట్టేదిగా మారడంతో అప్పుడు వైద్యుణ్ని సంప్రదించారు. అయయన పరీక్షలు చేసి… పెద్ద ఇబ్బంది లేదని, శస్త్రచికిత్స అవసరం లేదని చెప్పారట. ఆ తర్వాత కోలుకున్న మహేష్ ఆ సినిమా పూర్తి చేశాడు. ఆ తర్వాత వరుసగా సినిమాలు చేసుకుంటూ వచ్చాడు. అయితే ఇటీవల ఆ నొప్పి తిరగబెట్టిందట. దీంతో మరోసారి అమెరికాలో ఉన్న వైద్యుల్ని సంప్రదించారట మహేష్. వాళ్లు శస్త్రచికిత్స అవసరం అనేసరికి…
ఇప్పుడు సినిమా షూటింగ్‌కి కాస్త గ్యాప్‌ ఇచ్చి మరీ… శస్త్రచికిత్స చేయించుకున్నాడట. అంతేగానీ ఇదేదో గాయం కారణంగా చేసిన శస్త్రచికిత్స కాదని సమాచారం. ప్రస్తుతం రెస్ట్‌లో ఉన్న మహేష్ డిసెంబరు 25 నాటికి దుబాయి వచ్చేస్తాడట. అక్కడ కుటుంబ సభ్యులతో కలసి కొత్త సంవత్సరం వేడుకలు జరుపుకుంటాడట. ఆ తర్వాత ‘సర్కారు వారి పాట’ షూటింగ్‌ మొదలవుతుందని సమాచారం.
Most Recommended Video
మహేష్ టు నవీన్… ఓవర్సీస్ లో 1 మిలియన్ కొట్టిన హీరోల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
అఘోరా గెటప్‌ టాలీవుడ్ హీరోలకు కలిసొచ్చిందా!
