హీరో రామ్ సినిమాలకు ఈ మధ్యకాలంలో బిజినెస్ బాగా జరుగుతోంది. ఇప్పుడు ఆయన నటిస్తోన్న ‘వారియర్’ సినిమాకి కళ్లుచెదిరే రేంజ్ లో ప్రీరిలీజ్ బిజినెస్ జరుగుతోంది. యాక్షన్ సినిమా కావడం.. ఫస్ట్ లుక్ కి మంచి రెస్పాన్స్ రావడంతో బిజినెస్ కూడా అదే రేంజ్ లో జరుగుతోంది. ఇప్పటికే ఈ సినిమా హిందీ డబ్బింగ్ రైట్స్ ను భారీ ధరకు అమ్మేశారు. తాజాగా శాటిలైట్, డిజిటల్ రైట్స్ డీల్ కూడా పూర్తయినట్లు సమాచారం.
ఈ సినిమా శాటిలైట్-డిజిటల్ రైట్స్ ను డిస్నీ గ్రూప్ దక్కించుకుంది. ఈ మేరకు శాటిలైట్ హక్కులు స్టార్ మా ఛానెల్ కి, స్ట్రీమింగ్ రైట్స్ డిస్నీ హాట్ స్టార్ ఓటీటీకి దక్కాయి. ఈ మొత్తం డీల్ కాస్త అటుఇటుగా రూ.35 కోట్ల వరకు ఉండొచ్చని తెలుస్తోంది. రామ్ కెరీర్ లోనే ఇది బిగ్గెస్ట్ డీల్ అని చెప్పాలి. గతేడాది ఆయన నటించిన ‘రెడ్’ సినిమా ప్రేక్షకుల ముందుకు వచ్చింది. ఆ సినిమా పెద్దగా ఆడలేదు. అప్పటినుంచి రామ్ నుంచి ఒక్క సినిమా కూడా రాలేదు.
అయినప్పటికీ రామ్ నటిస్తోన్న ‘వారియర్’ సినిమాకి ఈ రేంజ్ లో బిజినెస్ జరగడం విశేషం. ఈ సినిమాతో కోలీవుడ్ లో కూడా ఎంట్రీ ఇవ్వబోతున్నాడు రామ్. లింగుస్వామి డైరెక్ట్ చేస్తోన్న ఈ సినిమాలో రామ్ సరసన కృతిశెట్టి హీరోయిన్ గా నటిస్తోంది. ఆదిపినిశెట్టి విలన్ గా కనిపించనున్నాడు. ఈరోజు ఆది విలన్ లుక్ కి సంబంధించిన పోస్టర్ ను విడుదల చేశారు. ఈ సినిమాలో రామ్ పోలీస్ ఆఫీసర్ గా కనిపించనున్నాడు.
శ్రీనివాస్ చిట్టూరి నిర్మిస్తోన్న ఈ సినిమాకి దేవిశ్రీప్రసాద్ సంగీతం అందిస్తున్నారు. ఈ సినిమా తరువాత రామ్.. బోయపాటి శ్రీను దర్శకత్వంలో ఓ సినిమా చేయబోతున్నారు.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home