ఆ వార్తల్లో నిజం లేదు : ఆదా శర్మ

నాని హీరోగా నటిస్తున్న తాజా చిత్రం ‘జెర్సీ’. నాని క్రికెటర్ గా నటిస్తున్న ఈ చిత్రాన్ని ‘మళ్ళీ రావా’ ఫేమ్ గౌతమ్ తిన్ననూరి డైరెక్ట్ చేస్తున్నాడు. ‘సితారా ఎంటర్టైన్మెంట్స్’ బ్యానర్ పై సూర్య దేవర నాగవంశీ ఈ చిత్రాన్ని నిర్మిస్తుండగా… కోలీవుడ్ మ్యూజిక్ డైరెక్టర్ అనిరుథ్ సంగీతమందించాడు. ఇటీవల విడుదల చేసిన ఈ చిత్ర ఫస్ట్ సింగల్ కు మంచి స్పందన లభించింది. ఇక విడుదల చేసిన టీజర్ కూడా సినిమా పై అంచనాలని పెంచేసింది.

• దేవ్ రివ్యూ కోసం ఇక్కడ క్లిక్ చెయ్యండి
• లవర్స్ డే రివ్యూ కోసం ఇక్కడ క్లిక్ చెయ్యండి
• ‘లక్ష్మీస్ ఎన్టీఆర్’ ట్రైలర్ రివ్యూ..!
• ‘మజిలీ’ టీజర్ రివ్యూ

ఇదిలా ఉండగా ‘జెర్సీ’ చిత్రంలో ‘హార్ట్ ఎటాక్’ హీరోయిన్ ఆదా శర్మ ఓ ఐటెం సాంగ్ లో కనిపించబోతుందని గతంలో వార్తలొచ్చాయి. అయితే ఈ విషయాన్ని ఆదా శర్మ ఖండించింది. తాను ఏ చిత్రంలోనూ ప్రత్యేక పాటకోసం కాలు కదపడం లేదని పేర్కొంది ఆదా శర్మ. ప్రస్తుతం డా.రాజశేఖర్‌ హీరోగా ప్రశాంత్ వర్మ డైరెక్షన్లో వస్తున్న ‘కల్కి’ చిత్రంలో హీరోయిన్ గా నటిస్తుంది ఆదా. ఇక ఐటెం సాంగ్ విషయమై ఆదా శర్మ స్పందిస్తూ… ‘నేను ఐటెం సాంగ్ లో నర్తిస్తున్నాననే విషయం అబద్ధం. ఆ వార్తల్లో ఏమాత్రం నిజం లేదు. మామూలుగా ఇలాంటి పుకార్లను నేను పట్టించుకోను. కానీ చాలా మంది ఈ విషయాన్ని నాతో పదే పదే ప్రస్తావిస్తుండటంతో ఇప్పుడు చెప్పాల్సి వచ్చింది. భవిష్యత్తులో కూడా ఇలాంటివి అంగీకరిస్తే తప్పకుండా సోషల్‌ మీడియా ద్వారా అందరితో పంచుకుంటాను”అంటూ ఆదా శర్మ తెలిపింది.