‘పవర్ స్టార్ పవన్ కళ్యాణ్ ఓ స్ట్రాంగ్ హిట్టు కొట్టి 10 ఏళ్ళు అవుతున్న టైం అది…. ‘ఖుషి’ లాంటి ఆల్ టైం బ్లాక్ బస్టర్ మళ్ళీ ఎప్పుడిస్తాడు రా బాబు’ అంటూ పవన్ కళ్యాణ్ ఫ్యాన్స్ నెత్తి కొట్టుకుంటూ ఎదురుచూస్తున్న క్షణాలవి..! ఎన్నో అంచనాల నడుమ విడుదలైన ‘పులి’ ‘పంజా’ ‘తీన్ మార్’ వంటి సినిమాలు ఒక దాన్ని మించి ఒకటి అన్నట్టు డిజాస్టర్లు అవ్వడంతో వాళ్ళు మరింత డిజప్పాయింట్మెంట్ తో ఉన్నారు.
అలాంటి టైంలో అంటే 2012 వ సంవత్సరం మే 11న (Gabbar Singh) ‘గబ్బర్ సింగ్’ చిత్రం విడుదలయ్యింది. హరీష్ శంకర్ డైరెక్షన్లో బండ్ల గణేష్ నిర్మాతగా.. బాలీవుడ్ సూపర్ హిట్ అయిన ‘దబాంగ్’ కు రీమేక్ గా ఈ చిత్రం తెరకెక్కింది. మొదటి షోతోనే బ్లాక్ బస్టర్ టాక్ ను సొంతం చేసుకుంది.’దూకుడు’ రికార్డులను బ్రేక్ చేసి ‘మగధీర’ తర్వాత టాలీవుడ్ టాప్ 2 మూవీ గా నిలిచింది ‘గబ్బర్ సింగ్’.ఈ చిత్రం రిలీజ్ అయ్యి 11 ఏళ్ళు పూర్తి కావస్తోంది.
అయితే ఈ సినిమా పక్కన రిలీజ్ అయిన చాలా క్రేజీ సినిమాలు ఫ్లాప్ అయ్యాయి.ఈ సినిమాకు రెండు వారాల ముందు రిలీజ్ అయిన ‘దమ్ము’ సినిమా కలెక్షన్లు.. ‘గబ్బర్ సింగ్’ ఎంట్రీతో తగ్గిపోయాయి. ఫైనల్ గా సినిమా కమర్షియల్ గా యావరేజ్ రిజల్ట్ తో సరిపెట్టుకుంది. ‘గబ్బర్ సింగ్’ కి రెండు వారాల తర్వాత రిలీజ్ అయిన రవితేజ ‘దరువు’ చిత్రం డిజాస్టర్ అయ్యింది. బి,సి సెంటర్స్ లో ఈ చిత్రానికి పాజిటివ్ టాక్ వచ్చినా సినిమా నిలబడలేదు.
ఇక బాలకృష్ణ ‘అధినాయకుడు’ , రామ్ – కరుణాకరణ్ ల ‘ఎందుకంటే ప్రేమంట’ సినిమాలు కూడా డిజాస్టర్లుగా మిగిలాయి. ఈ క్రేజీ సినిమాలు అన్నీ కూడా ‘గబ్బర్ సింగ్’ మేనియాలోనే కొట్టుకుపోయాయి. రాజమౌళి ‘ఈగ’ వచ్చేవరకు బాక్సాఫీస్ వద్ద ‘గబ్బర్ సింగ్’ సినిమా మాత్రమే సందడి చేసింది.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
Home