తారక్ త్రివిక్రమ్ కాంబినేషన్ లో అరవింద సమేత సినిమా తెరకెక్కగా ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది. ఈ కాంబినేషన్ లో మరో సినిమా ఫిక్స్ అయ్యి వేర్వేరు కారణాల వల్ల ఆగిపోయింది. అయితే ఈ కాంబోలో సినిమా ఆగిపోవడానికి సంబంధించి అసలు కారణం తాజాగా వెలుగులోకి వచ్చింది. ప్రముఖ బ్యానర్ నుంచి త్రివిక్రమ్ తీసుకున్న అడ్వాన్స్ మొత్తాన్ని ఎన్టీఆర్30 ప్రాజెక్ట్ వ్యయంలో కలపడం వల్లే ఈ ప్రాజెక్ట్ ఆగిపోయిందని తెలుస్తోంది.
తన సినిమాల ద్వారా కళ్యాణ్ రామ్ కు కచ్చితంగా లాభాలు రావాలని భావిస్తున్న ఎన్టీఆర్ (NTR) లాభం తగ్గిపోతుందని భావించి ఆ ప్రాజెక్ట్ నుంచి డ్రాప్ కావడం జరిగింది. అయితే జూనియర్ ఎన్టీఆర్ తాజాగా ఇచ్చిన పార్టీకి త్రివిక్రమ్ హాజరు కావడంతో వీళ్లిద్దరి మధ్య ఎలాంటి గ్యాప్ లేదని స్పష్టత వచ్చేసింది. రాబోయే రోజుల్లో తారక్ త్రివిక్రమ్ కాంబోలో ఒక సినిమా తెరకెక్కే ఛాన్స్ అయితే ఉందని తెలుస్తోంది. త్రివిక్రమ్ మనస్సులో భారీ మైథలాజికల్ ప్రాజెక్ట్ ఉందని ఆ ప్రాజెక్ట్ లో ఎన్టీఆర్ నటించే ఛాన్స్ ఉందని బోగట్టా.
భారీ బడ్జెట్ తో ఈ సినిమాను ప్లాన్ చేస్తున్నారని సమాచారం అందుతోంది. మరోవైపు జూనియర్ ఎన్టీఆర్ అకస్మాత్తుగా పార్టీ ఇవ్వడం వెనుక ఆసక్తికర కారణాలు ఉన్నాయని తెలుస్తోంది. అమెజాన్ వైస్ ప్రెసిడెంట్ జేమ్స్ ఫారెల్ ఇండియాకు రావడంతో ఆయనను పార్టీకి పిలిచి తారక్ ఈ పార్టీ ఇచ్చారని బోగట్టా.
దర్శకులు, నిర్మాతలు ఈ పార్టీకి హాజరు కాగా రామ్ చరణ్ ఈ పార్టీకి హాజరై ఉంటే బాగుండేదని కామెంట్లు వినిపిస్తున్నాయి. అయితే చరణ్ ఈ పార్టీకి ఎందుకు రాలేదనే ప్రశ్నకు సమాధానం దొరకాల్సి ఉంది. రామ్ చరణ్ ఎన్టీఆర్ కాంబినేషన్ లో మరిన్ని సినిమాలు రావాలని ఫ్యాన్స్ కోరుకుంటున్నా ఈ కాంబినేషన్ లో సినిమాలు రావడం సులువు కాదని కామెంట్లు వినిపిస్తున్నాయి.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
