Pawan Kalyan, Bandla Ganesh: బండ్ల ఇప్పుడు పవన్ ను ఎందుకు పక్కన పెట్టినట్లు..?

June 21, 2022 / 06:54 PM ISTByFilmy Focus

Join Us

Pawan Kalyan, Bandla Ganesh: బండ్ల ఇప్పుడు పవన్ ను ఎందుకు పక్కన పెట్టినట్లు..?

నిజ జీవితంలో మనం బాగా నమ్మిన వాళ్ళు మనల్ని మోసం చేస్తే చాలా బాధగా అనిపిస్తూ ఉంటుంది. తర్వాత ఎంత సాధించినా అదొక బాధ అయితే ఎప్పటికీ వెంటాడుతూ ఉంటుంది. ఆ టైంలో మన అమ్మ, నాన్న, భార్య.. ఇలా మనవాళ్లే గుర్తొస్తూ ఉంటారు. వాళ్ళని తలుచుకుని మరీ మనం ఎమోషనల్ అవుతుంటాం. సరిగ్గా ఇప్పుడు బండ్ల గణేష్ అలాగే చేశాడు. తన ట్విట్టర్లో ఓ ఆడియో క్లిప్ ను పోస్ట్ చేశాడు బండ్ల గణేష్.

‘జీవితంలో ఎవ‌రినీ న‌మ్మొద్దు. మ‌న‌ల్ని మ‌నం న‌మ్ముకుందాం. మ‌న‌కి జ‌న్మ‌నిచ్చిన త‌ల్లిదండ్రుల్ని న‌మ్ముకుందాం. మ‌న త‌ల్లిదండ్రుల్ని ప్రేమిద్దాం. మ‌న‌ల్ని న‌మ్మి వ‌చ్చిన భార్య‌ని ప్రేమిద్దాం. మ‌నం జ‌న్మ‌నిచ్చిన పిల్ల‌ల్ని ప్రేమిద్దాం. వాళ్ల‌కు మంచి భ‌విష్య‌త్ ఇద్దాం. మ‌న‌ల్ని క‌న్న త‌ల్లిదండ్రుల‌కి మంచి జీవితాన్ని ఇద్దాం. ఎందుకంటే మ‌న‌మీద వాళ్లు కోటి ఆశ‌ల‌తో ఉన్నారు. మ‌న పిల్ల‌ల‌కి మంచి దారి చూపిద్దాం. వాళ్ల‌వీళ్ల మోజులో ప‌డి మ‌న పిల్ల‌ల్ని, త‌ల్లిదండ్రులకి అన్యాయం చేయొద్దు …మీ బండ్ల గ‌ణేష్” అంటూ అందులో ఆయన చెప్పుకొచ్చాడు.

ఇందులో అతను పవన్ కళ్యాణ్ పేరును మాత్రం ప్రస్తావించలేదు. ప్రతి విషయంలోనూ పవన్ కళ్యాణ్ దేవుడు ఆయన తర్వాతే నాకు ఎవరైనా అని చెబుతూ వచ్చిన బండ్ల గణేష్.. ఇప్పుడు పవన్ కళ్యాణ్ ను ఎందుకు పక్కన పెట్టినట్లు అనే వాదన ఇప్పుడు ఎక్కువైంది. పవన్ కళ్యాణ్ వల్ల బండ్ల గణేష్ నష్టపోయాడా? లేదా మోసపోయాడా? అనే కామెంట్స్ కూడా ఎక్కువయ్యాయి. మొన్నామధ్య పవన్ కళ్యాణ్ తో బండ్ల గణేష్ ఓ సినిమా చేయబోతున్నట్లు చెప్పుకొచ్చాడు.

కానీ ఇప్పటివరకు ఆ సినిమా ఊసే లేదు. ఇప్పుడు పవన్ చేస్తున్న సినిమాలు అన్నీ త్రివిక్రమ్ హయాంలో రూపొందుతున్నాయి. పవన్ తో సినిమా చేయాలంటే ముందుగా త్రివిక్రమ్ ను ఇంప్రెస్ చెయ్యాలి.. ఆ తర్వాత అది పవన్ వరకు వెళ్ళాలి అన్నట్టు ఉంది వ్యవహారం. ఇక్కడే బండ్ల గణేష్ హర్ట్ అయ్యేలా ఏదో జరిగింది అనేది ఇన్సైడ్ టాక్. మరి ఇందులో ఎంత వరకు నిజముందో తెలియాల్సి ఉంది.