ఒకేరోజు అయిదు సినిమాలు, అన్నీ అదరగొట్టేవే

ఒకవారం చెప్పుకోదగ్గ సినిమా ఒక్కటి కూడా ఉండదు. ఒక్కోసారి ముందు ఏ సినిమాకి వెళ్ళాలి అని ప్రేక్షకులు కన్ఫ్యూజ్ అయిపోయే రేంజ్ లో సినిమాలో పోటీపడి మరీ సినిమాలు విడుదలవుతుంటాయి. ఈ గురువారం అలంటి పోటీ బాక్సాఫిస్ దగ్గర చోటు చేసుకోనుంది. రెండు తెలుగు సినిమాలు, రెండు హిందీ సినిమాలు, ఒక హాలీవుడ్ సినిమా. ఇలా మూడు భాషల నుంచి అయిదు ఆసక్తికరమైన సినిమాలు ప్రేక్షకుల్ని ఊరిస్తున్నాయి.

తెలుగు నుంచి రణరంగం, ఎవరు చిత్రాలు విడుదలవుతుండగా.. ఈ రెండు సినిమాల మీద విశేషమైన అంచనాలున్నాయి. శర్వానంద్ హీరోగా తెరకెక్కిన “రణరంగం” ఇంటెన్స్ యాక్షన్ డ్రామా కాగా.. అడివి శేష్ “ఎవరు” సస్పెన్స్ థ్రిల్లర్. ఈ రెండు సినిమాల ట్రైలర్స్ ప్రేక్షకుల్ని విశేషంగా ఆకట్టుకొన్నాయి. ఇక బాలీవుడ్ నుంచి వస్తున్న “మిషన్ మంగళ్, బట్లా హౌస్” వంటి సినిమాల మీద కూడా మంచి అంచనాలున్నాయి. ఇక.. హాలీవుడ్ నుంచి “ఒన్స్ అప్ ఆన్ ఏ టైమ్ ఇన్ హాలీవుడ్” కోసం సినిమా అభిమానులందరూ ఎంతో ఆసక్తిగా ఎదురుచూస్తున్నారు. రిజల్ట్స్ తో సంబంధం లేకుండా 5 సినిమాలు ప్రేక్షకులకు డిఫరెంట్ సినిమాటిక్ ఎక్స్ పీరియన్స్ ఇచ్చేవే.

రణరంగం

ఎవరు

మిషన్ మంగళ్

బట్లా హౌస్

ఒన్స్ అప్ ఆన్ ఏ టైమ్ ఇన్ హాలీవుడ్