2022 సెకండాఫ్ స్టార్ట్ అయ్యి 4 వారాలు పూర్తి కావస్తోంది. కానీ ఇప్పటివరకు ఒక్కటంటే ఒక్క హిట్టు సినిమా కూడా పడలేదు. ‘పక్కా కమర్షియల్’ ‘ది వారియర్’ ‘థాంక్యూ’ వంటి క్రేజీ సినిమాలు రిలీజ్ అయ్యాయి. కానీ ఇవి బాక్సాఫీస్ వద్ద సత్తా చాటలేకపోయాయి. ‘ది వారియర్’ మూవీ కొంతలో కొంత నయం అని చెప్పాలి. మంచి ఓపెనింగ్స్ ను సాధించి కాస్తో కూస్తో థియేటర్ యాజమాన్యాలకు, డిస్ట్రిబ్యూటర్లకు హోప్స్ ని కలిగించింది.
గత శుక్రవారం అయితే బాక్సాఫీస్ వద్ద కొత్త సినిమా రిలీజ్ అయిన సందడే లేదు. 2022 ఫస్ట్ హాఫ్ లో ‘బంగార్రాజు’ చిత్రం బాక్సాఫీస్ వద్ద మంచి కలెక్షన్లు రాబట్టి పర్వాలేదు అనిపించింది. కానీ సెకండ్ హాఫ్ లో బాక్సాఫీస్ వద్ద ఆ సందడి ఇంకా మొదలు కాలేదు. దీంతో ఇప్పుడు అందరి దృష్టి ఈ వారం రిలీజ్ అయ్యే సినిమాల పై పడింది. ఈ వారం కూడా థియేటర్లతో పోటీపడి మరీ ఓటీటీల్లో కూడా క్రేజ్ ఉన్న సినిమాలు రిలీజ్ అవుతున్నాయి. ఈ వారం థియేటర్/ఓటీటీ లో రిలీజ్ కాబోతున్న సినిమాలు ఏంటో ఓ లుక్కేద్దాం రండి :
ముందుగా థియేటర్లలో రిలీజ్ కాబోతున్న సినిమాలు :
1)విక్రాంత్ రోణ : శాండల్ వుడ్ స్టార్ హీరో కిచ్చా సుదీప్ టైటిల్ రోల్ పోషించిన భారీ బడ్జెట్ త్రీడీ మూవీ ఇది. జూలై 28న ప్ర‌పంచ వ్యాప్తంగా రిలీజ్ కాబోతుంది. అనూప్ భండారి దర్శకుడు. జాక్వ‌లైన్ ఫెర్నాండెజ్‌, నిరూప్ భండారి, నీతా అశోక్ వంటి వారు కీలక పాత్రలు పోషిస్తున్నారు. టీజర్, ట్రైలర్ లు బాగానే ఉన్నాయి.. ఓ పాట కూడా హిట్ అయ్యింది కాబట్టి సినిమా బాగుంటుందని అంతా భావిస్తున్నారు. సుదీప్ హీరోగా నటించిన కొన్ని సినిమాలు తెలుగులో రిలీజ్ అయినా.. ఇప్పటివరకు ఒక్కటి కూడా హిట్ అవ్వలేదు. మరి ఈ చిత్రం హిట్ అయ్యి ఆ లోటు తీరుస్తుందేమో చూడాలి.
2)ది లెజెండ్: ప్రముఖ బిజినెస్ మెన్, శరవణ స్టోర్స్ అధినేత అయిన అరుల్ శరవణన్ నటించిన భారీ బడ్జెట్ మూవీ ఇది.జూలై 28 న తమిళంతో పాటు తెలుగులో కూడా రిలీజ్ కాబోతుంది. ఈ సినిమాపై ప్రేక్షకులకు అంచనాలు లేవు కానీ పబ్లిసిటీ అయితే బాగా జరిగింది.
3)రామారావు ఆన్‌ డ్యూటీ: మాస్ మహారాజ రవితేజ హీరోగా శరత్ మండవ దర్శకత్వంలో తెరకెక్కిన ఈ మూవీ జూలై 29న విడుదల కాబోతుంది.’మజిలీ’ ఫేమ్ దివ్యాంశ కౌశిక్, రజీషా విజయన్ హీరోయిన్లుగా నటించిన ఈ మూవీ పై మంచి అంచనాలు నెలకొన్నాయి.తొట్టెంపూడి వేణు ఈ చిత్రంతో రీ ఎంట్రీ ఇస్తున్నాడు.
4) ఏక్‌ విలన్‌ రిటర్న్స్‌: అర్జున్ కపూర్, జాన్ అబ్రహాం కలిసి నటించిన ఈ మూవీ జూలై 29న గ్రాండ్ గా విడుదల కాబోతుంది.
ఓటీటీలో రిలీజ్ కాబోతున్న సినిమాలు :
5) రాకెట్రీ – ది నంబి ఎఫెక్ట్ : మాధవన్ నటించి, డైరెక్ట్ చేసి, సహా నిర్మాతగా వ్యవహరించిన చిత్రమిది. రాకెట్ సైంటిస్ట్ నంబి నారాయణన్ జీవిత ఆధారంగా తెరకెక్కిన ఈ చిత్రం జూలై 26 నుండి అమెజాన్ ప్రైమ్ వీడియోలో స్ట్రీమింగ్ కానుంది.
6)ది బ్యాట్‌ మ్యాన్ : ఈ హాలీవుడ్ మూవీ జూలై 27 నుండి అమెజాన్ ప్రైమ్ వీడియోలో స్ట్రీమింగ్ కానుంది.
7)బిగ్ మౌత్ : ఈ కొరియన్ సిరీస్ జూలై 29 నుండి అమెజాన్ ప్రైమ్ వీడియోలో స్ట్రీమింగ్ కానుంది.
8)గుడ్‌ లక్‌ జెర్రీ: శ్రీదేవి కూతురు జాన్వీకపూర్ కపూర్ నటించిన ఈ హిందీ మూవీ జూలై 29 నుండి డిస్నీ ప్లస్ హాట్ స్టార్ లో స్ట్రీమింగ్ కానుంది.
9)అధమస్ : ఈ కొరియన్ సిరీస్ జూలై 27 నుండి డిస్నీ ప్లస్ హాట్ స్టార్ లో స్ట్రీమింగ్ కానుంది.
10)19 (1)(A) : విజయ్ సేతుపతి, నిత్యామీనన్ వంటి స్టార్స్ నటించిన ఈ మలయాళ చిత్రం జూలై 29 నుంచి డిస్నీ ప్లస్ హాట్ స్టార్ లో స్ట్రీమింగ్ కానుంది.
11)షికారు: ఈ చిత్రం జూలై 29 నుండి ‘ఆహా’ లో స్ట్రీమింగ్ కానుంది.
12)పేపర్ రాకెట్: ఈ చిత్రం జూలై 29 నుండి జీ5లో స్ట్రీమింగ్ కానుంది.
13)రంగ్ బాజ్: ఈ చిత్రం హిందీ తో పాటు తెలుగు వెర్షన్లో కూడా జూలై 29 నుండి జీ5లో స్ట్రీమింగ్ కానుంది.
14)777 చార్లీ: రష్మిక మాజీ లవర్ రక్షిత్ శెట్టి ప్రధాన పాత్ర పోషించిన ఈ కన్నడ మూవీ జూలై 29 నుంచి వూట్ యాప్ లో స్ట్రీమింగ్ కానుంది.
15)డ్రీమ్ హోమ్ మేకోవర్ : ఈ వెబ్ సిరీస్ జూలై 27 నుండి నెట్ ఫ్లిక్స్ లో స్ట్రీమింగ్ కానుంది.
16)ది మోస్ట్ హేటెడ్ మ్యాన్ ఆఫ్ ది ఇంటర్నెట్ : ఈ వెబ్ సిరీస్ జూలై 27 నుండి నెట్ ఫ్లిక్స్ లో స్ట్రీమింగ్ కానుంది.
17)కీప్ బ్రీతింగ్ : ఈ వెబ్ సిరీస్ జూలై 28 నుండి నెట్ ఫ్లిక్స్ లో స్ట్రీమింగ్ కానుంది.
18)మసాబా మసాబా : ఈ వెబ్ సిరీస్ జూలై 29 నుండి నెట్ ఫ్లిక్స్ లో స్ట్రీమింగ్ కానుంది.
19)పర్పుల్ హార్ట్స్ : ఈ వెబ్ సిరీస్ కూడా జూలై 29 నుండే నెట్ ఫ్లిక్స్ లో స్ట్రీమింగ్ కానుంది.
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
