Ustaad Bhagat Singh: ‘ఉస్తాద్ భగత్ సింగ్’ కోసం ‘తొలిప్రేమ’ లోని ఆ చార్ట్ బస్టర్ సాంగ్ ని రీమిక్స్ చేశారట

పవర్ స్టార్ పవన్ కళ్యాణ్ కి పాత పాటలు అంటే బాగా ఇష్టం. గతంలో ‘ఖుషి’ సినిమాలో ‘ఆడువారి మాటలకి అర్ధాలే వేరులే’ అనే పాటని రీమిక్స్ చేశారు. అది చార్ట్ బస్టర్ అయ్యింది.

Ustaad Bhagat Singh

అటు తర్వాత ‘జానీ’ సినిమాలో ‘ఈ రేయి తీయనిది’ అనే పాత పాటని రీమిక్స్ చేశారు. సినిమా ఫ్లాప్ అయినా ఆ పాట మాత్రం హిట్ అయ్యింది. ఆ తర్వాత పవన్ కళ్యాణ్ సినిమాలో రీమిక్స్ పాటలు కనబడలేదు.

కానీ ‘తొలిప్రేమ’ సినిమాలోని ఓ రీమిక్స్ సాంగ్ ని నితిన్ ‘గుండె జారి గల్లంతయ్యిందో’ సినిమాలో పెట్టుకున్నారు.ఆ తర్వాత మరో హీరో పవన్ కళ్యాణ్ సాంగ్స్ ని రీమిక్స్ చేసింది లేదు. అయితే ఫర్ ది ఫస్ట్ టైమ్ పవన్ కళ్యాణ్ సినిమా కోసం పవన్ కళ్యాణ్ పాత సినిమాలోని ఓ సాంగ్..ని రీమిక్స్ చేసినట్టు దర్శకుడు హరీష్ శంకర్ తెలిపారు. మరో 2 రోజుల్లో ప్రేక్షకుల ముందుకు రాబోతున్న ‘ఉస్తాద్ భగత్ సింగ్'(Ustaad Bhagat Singh) లో పవన్ కళ్యాణ్ పాత సినిమాలోని సాంగ్ ని రీమిక్స్ చేసినట్టు తెలిపారు.ట్రైలర్లో హింట్ ఇచ్చినట్టు కూడా హరీష్ చెప్పుకొచ్చారు.

కానీ అది ఏ సినిమాలోని పాట అనేది మాత్రం క్లారిటీ ఇవ్వలేదు. కానీ ‘ఉస్తాద్ భగత్ సింగ్’ ట్రైలర్ ను కనుక గమనిస్తే.. అందులో ‘తొలిప్రేమ’ సినిమాకి సంబంధించి ఓ సాంగ్ మ్యూజిక్ వాడారు. ‘తొలిప్రేమ’ సినిమాలో ‘ఈ మనసే సే సే’ అంటూ ఓ చార్ట్ బస్టర్ సాంగ్ ఉంటుంది. ‘ఉస్తాద్ భగత్ సింగ్’ ట్రైలర్లో ఆ పాట ట్యూన్ వినిపిస్తుంది. 49 సెకన్ల నుండి 59 సెకన్ల మధ్యలో ఈ ట్యూన్ రెండు సార్లు వినిపిస్తుంది. సో ఆ సాంగ్ నే రీమిక్స్ చేశారు అనడంలో సందేహం లేదు.

 ‘భగవంత్ కేసరి’ ని యాజ్ ఇట్ ఈజ్ తీసినా ఈ తిప్పలు ఉండేవి కాదు కదా..!