మహేష్ బాబు ఈ ఏడాది ‘సరిలేరు నీకెవ్వరు’ చిత్రంతో బ్లాక్ బస్టర్ అందుకున్నాడు. ఈ చిత్రం తర్వాత ‘మహర్షి’ దర్శకుడు వంశీ పైడిపల్లి తో తన తదుపరి సినిమా ఉంటుందని అనౌన్స్ చేసినా.. కొన్ని కారణాల వల్ల ఆ ప్రాజెక్ట్ పట్టాలెక్కలేదు. దీంతో ‘గీత గోవిందం’ దర్శకుడు పరశురామ్(బుజ్జి) కథని మహేష్ ఓకే చేసాడు. గతంలో మహేష్ బాబుతో ‘శ్రీమంతుడు’ వంటి బ్లాక్ బస్టర్ చిత్రాన్ని నిర్మించిన ‘మైత్రి మూవీ మేకర్స్’ సంస్థ ఈ ప్రతిష్టాత్మక చిత్రాన్ని నిర్మించనుంది.
చాలా రోజులుగా ఈ స్క్రిప్ట్ కోసం పరశురామ్ ఎంతో కష్టపడుతున్నాడు. ఫైనల్ గా మహేష్ బాబు తో ఈ కథని ఓకే చేయించుకున్నాడు. సూపర్ స్టార్ కృష్ణ పుట్టినరోజున ఈ ప్రాజెక్ట్ గురించి అధికారిక ప్రకటన రానుంది. అంతేకాదు టైటిల్ అనౌన్స్మెంట్ కూడా అదే రోజున ఉండబోతుంది. అందుతున్న సమాచారం ప్రకారం ఈ చిత్రానికి దర్శకుడు పరశురామ్ ‘సర్కారు వారి పాట’ అనే టైటిల్ ను అనుకుంటున్నాడట. మహేష్ ఇంకా ఈ టైటిల్ ను ఓకే చేయలేదు.
ఒకవేళ మహేష్ కనుక ఓకే చేసేస్తే.. ఇదే టైటిల్ ఫిక్స్ అయిపోయినట్టే అని తెలుస్తుంది. ఇక ఈ చిత్రంలో మహేష్ తో మరోసారి కియారా అద్వానీ రొమాన్స్ చేయనుందని సమాచారం. గతంలో ‘భరత్ అనే నేను’ చిత్రంతో వీరిద్దరూ హిట్ అందుకున్న సంగతి తెలిసిందే. ఇక ప్రెజెంట్ మ్యూజిక్ సెన్సేషన్ తమన్ సంగీత దర్శకుడిగా ఎంపికైనట్టు తెలుస్తుంది.
Most Recommended Video
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!
