బాలీవుడ్ స్టార్ హీరో షారుఖ్ ఖాన్-అట్లీ కాంబినేషన్ లో సినిమా తెరకెక్కుతోన్న సంగతి తెలిసిందే. పూణేలో ఈ సినిమాకి సంబంధించిన తొలి షెడ్యూల్ మొదలైంది. ఇలా షూటింగ్ మొదలైందో లేదో.. అప్పుడే సినిమా టైటిల్ బయటకు వచ్చేసింది. ‘లయన్’ అనే వర్కింగ్ టైటిల్ తో ఈ సినిమా షూటింగ్ మొదలవ్వడం విశేషం. అనుకోని విధంగా ఈ టైటిల్ మీడియాలోకి వచ్చేసింది. పూణేలో ఒక ప్రాంతంలో షూటింగ్ అనుమతుల కోసం చిత్రబృందం పెట్టుకున్న అప్లికేషన్ కాపీ మీడియాలోకి వచ్చేసింది.
అందులో సినిమా వివరాలను వెల్లడిస్తూ.. టైటిల్ ‘లయన్’ అని పేర్కొన్నారు. షారుఖ్ సొంత నిర్మాణ సంత రెడ్ చిల్లీస్ ఎంటర్టైన్మెంట్లో ఈ సినిమా తెరకెక్కుతున్నట్లు.. ఈ సినిమాలో హీరోయిన్ గా నయనతార నటిస్తున్నట్లు ఈ అప్లికేషన్ లో పేర్కొన్నారు. దర్శకుడిగా అట్లీ కుమార్ పేరు ఉంది. మొత్తానికి ఈ సినిమాకి ‘లయన్’ అనే పవర్ ఫుల్ టైటిల్ పెట్టడంతో షారుఖ్ ఫ్యాన్స్ చాలా హ్యాపీ ఫీల్ అవుతున్నాయి. ఈ టైటిల్ ను బట్టి అట్లీ..
షారుఖ్ తో మంచి మాస్ సినిమా తీస్తున్నాడని అభిప్రాయాలు కలుగుతున్నాయి. ఈ మధ్యకాలంలో షారుఖ్ కి సరైన సక్సెస్ రాలేదు. ప్రస్తుతం ఆయన నటిస్తోన్న ‘పఠాన్’ సినిమాపై మంచి అంచనాలు ఏర్పడ్డాయి. ఈ సినిమా షూటింగ్ చివరి దశలో ఉండడంతో.. అట్లీ సినిమాను మొదలెట్టాడు షారుఖ్.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
