జనసేన అధినేత పవర్ స్టార్ పవన్ కళ్యాణ్ ప్రస్తుతం సినిమాలు, రాజకీయాలతో కెరీర్ పరంగా బిజీగా ఉండటంతో పాటు రెండు రంగాలలో సక్సెస్ అయ్యే దిశగా అడుగులు వేస్తున్నారు. అక్టోబర్ నెల 1వ తేదీ నుంచి పొలిటికల్ కార్యక్రమాలతో పవన్ కళ్యాణ్ బిజీ కానున్నారు. పవన్ కళ్యాణ్ ను సినిమాలను సంబంధించి అభిమానించే ఫ్యాన్స్ ఆయనకు పొలిటికల్ గా కూడా సపోర్ట్ చేస్తున్నారు. స్టంట్ మేన్ బద్రి భోళా శంకర్ సినిమాకు అందుకున్న రెమ్యునరేషన్ ను జనసేనకు పారితోషికంగా ఇచ్చారు.
పవన్ ను కలిసి 50,000 రూపాయల చెక్కును బద్రి ఇవ్వగా పవన్ బద్రిని ఎంతగానో ప్రశంసించారు. సినిమాలలో కార్లను పల్టీ కొట్టే కష్టమైన స్టంట్స్ చేయడం సులువు కాదని తెలుగు చలన చిత్ర పరిశ్రమలో అలాంటి స్టంట్స్ చేయడం బద్రికి మాత్రమే సాధ్యమని పవన్ కళ్యాణ్ చెప్పుకొచ్చారు. వైజాగ్ లో నటనలో శిక్షణ తీసుకున్న సమయం నుంచి బద్రితో నాకు పరిచయం ఉందని ఆయన కామెంట్లు చేశారు.
భోళా శంకర్ మూవీకి బద్రి చేసిన స్టంట్స్ విషయంలో పవన్ కళ్యాణ్ అభినందించడం గమనార్హం. జనసేనకు రూ.50వేలు ఇచ్చిన బద్రిని పవన్ కళ్యాణ్ అభినందించారు. బద్రి మాట్లాడుతూ 28 సంవత్సరాల క్రితం పవన్ చేసిన సహాయం నన్ను నిలబెట్టిందని తెలిపారు. పవన్ కళ్యాణ్ చేసే సహాయం నాతో ఆగిపోకూడదని ఎంతోమందికి పవన్ సహాయం అందిస్తున్నారని బద్రి చెప్పుకొచ్చారు.
పవన్ కళ్యాణ్ సీఎం అయితే నాలాంటి ఎంతోమందికి అండగా నిలుస్తారని (Character Artist) బద్రి కామెంట్లు చేశారు. ఆ ఆకాంక్షతో భోళా శంకర్ సినిమాకు వచ్చిన రెమ్యునరేషన్ ను జనసేనకు విరాళంగా ఇచ్చానని బద్రి తెలిపారు. బద్రి వెల్లడించిన విషయాలు సోషల్ మీడియా వేదికగా వైరల్ అవుతున్నాయి. పవర్ స్టార్ పవన్ కళ్యాణ్ రాబోయే రోజుల్లో మరిన్ని భారీ విజయాలను సొంతం చేసుకోవాలని ఫ్యాన్స్ కోరుకుంటున్నారు.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
