టాలీవుడ్ ఇండస్ట్రీలో ప్రస్తుతం సీనియర్ స్టార్ హీరోలైన చిరంజీవి, బాలకృష్ణ, నాగార్జున, వెంకటేశ్ విజయవంతంగా కెరీర్ ను కొనసాగిస్తున్నారు. తర్వాత తరం హీరోలైన పవన్ కళ్యాణ్, ప్రభాస్, జూనియర్ ఎన్టీఆర్, మహేష్, చరణ్, అల్లు అర్జున్ పాన్ ఇండియా స్టేటస్ తో కొత్త రికార్డులను సృష్టించే దిశగా అడుగులు వేస్తున్నారు. రవితేజ, నాని, విజయ్ దేవరకొండ, నాగచైతన్య, అఖిల్, రానా, శర్వానంద్, సిద్ధు జొన్నలగడ్డ, విశ్వక్ సేన్, సాయితేజ్, వరుణ్ తేజ్, వైష్ణవ్ తేజ్, సుధీర్ బాబు,
మరి కొందరు హీరోలు తమకంటూ ప్రత్యేక గుర్తింపుతో కెరీర్ ను కొనసాగిస్తున్నారు. అయితే టాలీవుడ్ భవిష్యత్తు స్టార్ హీరోలు ఎవరనే ప్రశ్నకు ఆసక్తికర సమాధానాలు వినిపిస్తున్నాయి. బాలయ్య కొడుకు మోక్షజ్ఞ ఈ ఏడాదే సినిమాల్లోకి ఎంట్రీ ఇవ్వనున్నారు. మోక్షజ్ఞ తొలి సినిమాతో బ్లాక్ బస్టర్ హిట్ అందుకుంటే మాత్రం హీరోగా అతని కెరీర్ కు తిరుగుండదని సోషల్ మీడియాలో కామెంట్లు వినిపిస్తున్నాయి. ఆదిత్య369 సీక్వెల్ కథాంశంతో మోక్షజ్ఞ సినిమాల్లో అడుగుపెట్టనున్నారు.
పవన్ కొడుకు అకీరానందన్ కూడా త్వరలో సినిమాల్లోకి ఎంట్రీ ఇవ్వనున్న సంగతి తెలిసిందే. అకీరాకు ఊహించని స్థాయిలో ఫ్యాన్ బేస్ ఉండగా పవన్ కళ్యాణ్ లా అకీరా కూడా సినిమాల్లో సక్సెస్ సాధించడం గ్యారంటీ అని అభిప్రాయాలు వ్యక్తమవుతున్నాయి. మహేష్ కొడుకు గౌతమ్ కు కూడా ఊహించని స్థాయిలో ఫ్యాన్ బేస్ ఉంది. గౌతమ్ కూడా మరో ఐదేళ్ల తర్వాత హీరోగా కెరీర్ ను మొదలుపెట్టే అవకాశం ఉంది.
వెంకటేశ్ కొడుకు అర్జున్ కూడా రాబోయే రోజుల్లో సినిమాల్లోకి వచ్చే అవకాశం అయితే ఉంటుంది. జూనియర్ ఎన్టీఆర్, బన్నీ వారసులు హీరోలుగా సినిమాల్లోకి రావడానికి మరి కొంత సమయం పట్టే అవకాశం ఉంది. పదేళ్ల తర్వాత సినిమా ఇండస్ట్రీలో కూడా ఎన్నో మార్పులు వచ్చే అవకాశాలు ఉంటాయి. ఆ సమయానికి ఓటీటీల హవా కూడా పెరిగే అవకాశం అయితే ఉందని అభిప్రాయాలు వ్యక్తమవుతున్నాయి.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
