టాలీవుడ్లో మరో విషాదం చోటు చేసుకుంది. ప్రముఖ నిర్మాత గోరంట్ల రాజేంద్రప్రసాద్ కన్నుమూశారు. ఈయన వయసు 86 సంవత్సరాలు. కొద్దిరోజులుగా అనారోగ్యంతో బాధపడుతూ వస్తున్న ఈయన ఈరోజు తుది శ్వాస విడిచారు అని సమాచారం. ‘మాధవి కంబైన్స్’ బ్యానర్ పై అక్కినేని నాగేశ్వరరావు గారితో ‘దొరబాబు’ సుపుత్రుడు’ వంటి చిత్రాలను నిర్మించిన ఆయన కృష్ణంరాజుతో ‘కురుక్షేత్రం’, ఎన్టీఆర్ తో ‘ఆటగాడు’, వంటి చిత్రాలను నిర్మించారు.
మూవీ మొఘల్ డాక్టర్ డి.రామానాయుడు తో నిర్మించిన పలు చిత్రాలకు కూడా సహా నిర్మాతగా వ్యవహరించారు గోరంట్ల రాజేంద్రప్రసాద్. ఈయన మృతికి చింతిస్తూ టాలీవుడ్ ప్రముఖులు తమ ప్రగాఢ సంతాపాన్ని తెలియజేస్తున్నారు. ఇక ఈ మధ్య కాలంలో వరుసగా టాలీవుడ్లో విషాదాలు చోటు చేసుకోవడం అందరిలో ఆందోళన కలిగిస్తుంది.
మీనా భర్త విద్యాసాగర్ పోస్ట్ కోవిడ్ సమస్యలతో మరణించారు. అలాగే ఆర్.నారాయణ మూర్తి తల్లి, సీనియర్ జర్నలిస్ట్ గుడిపూడి శ్రీహరి వంటి వారు మరణించిన సంగతి తెలిసిందే. ఆ షాక్ ల నుండీ టాలీవుడ్ ఇంకా కోలుకోక ముందే నిన్న సీనియర్ ఎడిటర్ గౌతంరాజు కూడా మరణించారు.ఇప్పుడు గోరంట్ల రాజేంద్రప్రసాద్ మృతి చెందడం గమనార్హం.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
