స్టార్ హీరో ప్రభాస్ స్టార్ డైరెక్టర్ ప్రశాంత్ నీల్ కాంబినేషన్ లో తెరకెక్కుతున్న సలార్ మూవీ షూటింగ్ శరవేగంగా జరుగుతోంది. ఈ సినిమాలో ప్రభాస్ కు జోడీగా శృతి హాసన్ నటిస్తుండగా జగపతిబాబు ఈ సినిమాలో కీలక పాత్ర పోషిస్తున్నట్టు సమాచారం. కొన్నేళ్ల క్రితం వరకు క్లాస్ సినిమాలకే పరిమితమైన జగపతి బాబు సెకండ్ ఇన్నింగ్స్ లో రూటు మార్చారు. విలన్ పాత్రలతో పాటు గుర్తింపు తెచ్చిపెట్టే రోల్స్ ను జగపతి బాబు ఎక్కువగా ఎంపిక చేసుకుంటున్నారు.
సలార్ లో జగపతి బాబు పాత్ర కీలకంగా ఉంటుందని కథను మలుపు తిప్పే పాత్రలో జగపతి బాబు నటిస్తున్నారని సమాచారం. సలార్ మూవీ పాన్ ఇండియా మూవీ కావడంతో తెలుగుతో పాటు ఇతర భాషల్లో కూడా పేరున్న నటులకు ఈ సినిమాలో చోటు దక్కుతోందని తెలుస్తోంది. ఈ సినిమాలో విలన్ పాత్ర కోసం ఒక పాపులర్ నటుడిని ఎంపిక చేశారని త్వరలోనే ఆ వివరాలను కూడా ప్రకటించనున్నారని సమాచారం.
ఈ సినిమాలో బాలీవుడ్ హీరోయిన్ కత్రినా కైఫ్ ఐటమ్ సాంగ్ చేయనుందని వార్తలు వస్తున్నాయి. హోంబలే ఫిలిమ్స్ అత్యంత భారీ బడ్జెట్ తో నిర్మిస్తున్న ఈ సినిమా ఎలాంటి రికార్డులను క్రియేట్ చేస్తుందో చూడాల్సి ఉంది. కేజీఎఫ్ సినిమాకు పని చేసిన సాంకేతిక నిపుణులే సలార్ సినిమాకు కూడా పని చేస్తున్నారు. తాజా షెడ్యూల్ లో జగపతిబాబు పాల్గొనడంతో ఈ సినిమాలో జగపతిబాబు నటిస్తున్నట్టు కన్ఫామ్ అయింది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
