Dhruva: ఎన్నో ఏళ్ల ముందే ‘ధృవ’ను మిస్ చేసుకున్న పాన్‌ ఇండియా స్టార్‌!

ఒక సూపర్‌ హిట్‌ సినిమా వెనుక అందులోనూ బ్లాక్‌బస్టర్‌ సినిమా వెనుక చాలా మంది హీరోలు ఉంటారు అని చెప్పాలి. ఎందుకో కానీ పెద్ద పెద్ద హీరోలు ఆ సినిమా చేసే ఛాన్స్‌ వదిలేసుకుని ఉంటారు. ఆ సినిమా వచ్చిన కొన్నేళ్ల తర్వాత ఆ విషయం బయటకు వస్తుంటుంది. నిజానికి ఫ్లాప్‌ సినిమాలకు, డిజాస్టర్‌ సినిమాలకు కూడా ఇదే థియరీ ఉంటుంది కానీ.. అవి అంతగా బయటకు రావు. ఆ విషయం పక్కనపెడితే ఇప్పుడు బయటకు వచ్చిన బ్లాక్‌బస్టర్‌ సినిమా ‘ధృవ’.

రామ్‌చరణ్‌కు మంచి హిట్లు అని ఓ లిస్ట్‌ రాసినా, చరణ్‌లోని బెస్ట్‌యాక్టర్‌ను చూపించిన సినిమాల లిస్ట్‌ రాసినా… కామన్‌గా కనిపించే మూవీ ‘ధృవ’. ఆ సినిమా ‘తని ఒరువన్‌’ అనే తమిళ సినిమాకు రీమేక్‌ అనే విషయం తెలిసిందే. అయితే ఆ కథ తొలుత ప్రభాస్‌ కోసం రాశారట. అదేంటి తమిళంలో జయం రవి చేసిన సినిమాను కదా.. ఇక్కడ చరణ్‌ చేసింది అనుకుంటున్నారా? నిజానికి జయం రవి కంటే ముందే ప్రభాస్‌కు ఈ సినిమా కథను వినిపించారట మోహన్‌ రాజా.

ప్రభాస్‌కు (Dhruva) కథ చెప్పడం పూర్తయ్యాక… ప్రభాస్‌ తాను ప్రస్తుతం ప్రేమకథ చేసే ఆలోచనలో ఉన్నానని, ఇప్పుడీ పోలీస్ డ్రామా చేయలేనని చెప్పడంతో మోహన్ రాజా వెనక్కి వెళ్లిపోయారట. ఆ తర్వాత కొన్ని రోజుల తర్వాత… ఇంకా ఎన్ని రోజులని ఆ కథ పట్టుకుని ఆగడం… తమ్ముడితోనే చేసేద్దాం అనుకుని సినిమా చేశారట. ఆ సినిమాను చూసి రామ్‌చరణ్‌కి అయితే బాగుంటుందని హక్కులు తీసుకుని చేశారు. చరణ్‌కు ఆ సినిమా ఎంతటి విజయం అందించిందో మనకు తెలిసిందే.

ఇప్పుడు అదే సినిమాకు సీక్వెల్‌ను కూడా అనౌన్స్‌ చేశారు. ‘తని ఒరువన్‌ 2’కి సంబంధించిన కాన్సెప్ట్‌ను చెబుతూ ఓ టీజర్‌ వీడియో వచ్చేసింది. అయితే ఇది తమిళం వరకేనా, లేక తెలుగులోనూ జయం రవి హీరో అవుతాడా అనేది తెలియాల్సి ఉంది. లేక చరణ్‌ చేస్తాడా అనేది కూడా తెలియాలి.

https://www.youtube.com/watch?v=29ZPMXSeVkA

మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!

సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!