అ అక్షరంపై స్టార్స్ సెంటిమెంట్

తెలుగులోకానీ, ఇంగ్లిష్ లోని మొదటి అక్షరం అంటే అందరికీ ఇష్టం. ఆ ఇష్టం వెనుక మొదటి స్థానంలో ఉండాలనే ఆలోచన కూడా దాగుంది. అందుకేనేమో టాలీవుడ్ స్టార్స్ చాలామంది తమ పిల్లలకు అ అక్షరంతో మొదలయ్యే పేర్లను పెట్టుకుంటున్నారు. విక్టరీ వెంకటేష్ తన కొడుక్కి అర్జున్ అని పేరు పెట్టారు. ఇక పవన్ కళ్యాణ్, రేణు దేశాయ్ ల కొడుక్కి అకీరా నందన్ అని నామకరణం చేశారు. ఇలా సీనియర్ హీరోలే కాదు. యువ హీరోలు అదే బాటలో వెళ్తున్నారు. అల్లు అర్జున్ తన కొడుక్కి అయాన్ అని పేరు పెట్టుకున్నాడు. ఈ పేరు కొత్తగా ఉండి అందరినీ ఆకర్షించింది.

యంగ్ టైగర్ ఎన్టీఆర్ కూడా అ అక్షరంపైనే ఆసక్తి కనబరిచారు. తన ముద్దుల కొడుక్కి అభయ్ రామ్ అని పేరు పెట్టుకున్నారు. లేటెస్ట్ గా నేచురల్ స్టార్ నాని కూడా అ అక్షరాన్ని ఫాలో అయిపోయారు. మూడు నెలల క్రితం పుట్టిన బాబుకు అర్జున్ అనే పేరు పెట్టినట్లు వెల్లడించారు. ఇలా స్టార్స్ కొడుకుల పేర్లు యాక్సిడెంటల్ గా కలిసాయా? లేకుంటే కావాలని పెట్టుకుంటున్నారా? అనేది .. వారినే అడగాల్సిన ప్రశ్న.

Also, do SUBSCRIBE to our YouTube channel to get latest Tollywood updates.