ఇద్దరు స్టార్ హీరోలు కలసి ఒక ఫొటోలో కనిపిస్తేనే అభిమానుల ఆనందానికి హద్దులు ఉండవు. ఆ ఫొటోను షేర్‌ చేసి మురిసిపోతుంటారు అలాంటి ఇద్దరు కాదు, ముగ్గురు కాదు, ఏకంగా నలుగురు స్టార్ హీరోలు కలసి ఫొటో దిగితే.. ఆ ఫొటో సోషల్‌ మీడియాలో కనిపిస్తే ఇంకెంత వైరల్ అవుతుంది చెప్పండి. ఇటీవల జరిగిన ఓ ప్రైవేట్ పార్టీకి సంబంధించిన ఫొటో అది. ఆ పార్టీకి (Tollywood) తెలుగు సినీ ప్రముఖులు హాజరయ్యారు.
వైరల్ అవుతున్న ఆ ఫొటోలో చిరంజీవి (Chiranjeevi) , నాగార్జున(Nagarjuna), మహేష్ బాబు(Mahesh Babu) , రానా, అఖిల్ (Akhil) తదితరులు కనిపిస్తున్నాయి. అయితే గెడ్డాలు పెంచి ఉండటం, లాంగ్‌ షాట్‌లో ఉండటంతో కొన్ని ఫేస్‌లు సరిగ్గా కనిపించడం లేదు కూడా. కుటుంబ సభ్యులతో కలసి హీరోలు ఈ పార్టీకి హాజరయ్యారు. మాల్దీవుల్లో జరిగింది అంటున్న ఈ పార్టీకి ఇంకా ఎవరెవరు వచ్చారు అనే వివరాలు తెలియడం లేదు.
ఫొటోలో ఉన్న(Tollywood) స్టార్ నటులు ప్రస్తుతం వరుస సినిమాలు, ప్రాజెక్టులతో బిజీ బిజీగా ఉన్నారు. ఇలాంటి సమయంలో అందరూ ఇలా కలసి ఒక దగ్గరకు చేరడం పెద్ద విషయమే. అందుకే ఈ ఫొటో వైరల్ అయింది. ఫుల్‌ పార్టీ, ఎంజాయ్‌ మూడ్‌లో ఉన్నారు అని వాళ్ల బీచ్‌ స్టైల్‌ డ్రెస్సులు చూస్తేనే అర్థమవుతోంది. ఇదంతా ఓకే అందరూ ఓ దగ్గరకు ఎందుకు చేరారు అనేగా.. ఓ ప్రముఖ వ్యాపారవేత్త పుట్టిన రోజు సందర్భంగా ఈ పార్టీ జరిగింది అంటున్నారు.
ఒక్క ఫొటో వస్తేనే ఇలా వైరల్ అయింది అంటే.. మొత్తం పార్టీ ఫొటోలు బయటకు వస్తే ఇంకెంత వైరల్ అవుతాయో అని అభిమానులు మాట్లాడుకుంటున్నారు. సరదాగా ఓ మాట కూడా అనుకుందాం. ఇంత మంది స్టార్‌లను కలిపి ఓ ఫొటో తీసిన ఆ స్టార్ ఫొటోగ్రాఫర్‌ ఎవరో కదా? ఆ విషయం వదిలేస్తే రాజమౌళి (S. S. Rajamouli) సినిమా కోసం మహేష్ సిద్ధం చేస్తున్న లుక్‌ మరోసారి అట్రాక్షన్‌ ఆఫ్‌ ది పిక్‌గా మారింది.
Home