Naa Sami Ranga: ‘నా సామిరంగా’లో నాగార్జునతో నటించబోయేది ఆ హీరోనే!

అక్కినేని నాగార్జున ఇప్పుడు నెర్వస్‌ 90`sలో ఉన్నారు అని చెప్పాలి. 98వ సినిమాగా ‘ఘోస్ట్‌’ చేశాక… కొన్నాళ్లు గ్యాప్‌ తీసుకున్న ఆయన 99వ సినిమా విషయంలో ఓ నిర్ణయానికి రావడానికి చాలా సమయమే పట్టింది. ఆ సినిమాకు తొలుత ఓ రైటర్‌ దర్శకుడు అవుతారు అని టాక్‌ రాగా, ఆఖరికి ఓ కొరియోగ్రాఫర్‌ దర్శకుడు అయ్యారు. ఈ సినిమాను ఇటీవల అనౌన్స్‌ చేశారు కూడా. అయితే ఇప్పుడు మరికొన్ని కన్‌ఫ్యూజన్‌లు కనిపిస్తున్నాయి. త్వరలోనే క్లారిటీ అంటున్నారు కానీ రావడం లేదు.

‘నా సామి రంగా’ (Naa Sami Ranga) సినిమాను త్వరలో ప్రారంభిస్తారని సమాచారం. ఇప్పటికే దీని కోసం నాగార్జున లుక్‌, క్రాఫ్‌ విషయంలో కొన్ని మార్పులు చేసేశారు. బిగ్‌బాస్‌ హోస్టింగ్‌ ఆ లుక్‌తోనే చేస్తున్నాడు కూడా. అయితే ఈ సినిమాలో ఓ యువ హీరో పాత్ర ఉందని చాలా రోజుల నుండి వార్తలొస్తున్నాయి. దాని కోసం చాలా మంది పేర్లు వినిపించినా… అల్లరి నరేశ్‌ పేరు ఎక్కువగా వినిపించింది. అయితే ఇప్పుడు ఆయన ఈ సినిమాలో భాగం కావడం లేదని టాక్‌.

నాగార్జున హీరోగా శ్రీనివాస చిట్టూరి నిర్మిస్తున్న ఈ సినిమాలో ఓ కీలక పాత్ర కోసం యువ హీరో రాజ్‌ తరుణ్‌ను సంప్రదించారు అని అంటున్నారు. అన్నపూర్ణ స్టూడియోస్‌ పతాకంపైనే రాజ్‌ తరుణ్‌ హీరో అయిన విషయం తెలిసిందే. ఆ అనుబంధంతోనే అడగగానే ఈ సినిమాను ఓకే చేసేశాడు అని అంటున్నారు. చాలా అల్లరిగా, సందడిగా సాగే ఈ పాత్రకు రాజ్‌తరుణ్‌ అయితే యాప్ట్‌ అవుతాడు అని దర్శకుడు అనుకోవడం వల్లే అతను వచ్చాడని అంటున్నారు.

ఇక త్వరలో నటీనటులు, సాంకేతిక నిపుణుల వివరాలను చిత్రబృందం అధికారికంగా వెల్లడిస్తుందని సమాచారం. కథ, మాటలు ప్రసన్నకుమార్ బెజవాడ అందిస్తున్న ఈ సినిమా 2024 సంక్రాంతికి ప్రేక్షకుల ముందుకు వస్తుందని ఇప్పటికే అనౌన్స్‌ చేసేశారు. మరి రెగ్యులర్‌ షూటింగ్‌ ఎప్పుడు ప్రారంభం అనేదే ప్రశ్న. అన్నట్లు హీరోయిన్ల ఎంపిక ఇంకా కొనసాగుతూనే ఉందట.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!