ఇటీవల కాలం వరకు టాలీవుడ్‌లో పెద్ద హీరో సినిమా స్టార్ట్‌ అవుతుంది అంటే… సంగీత దర్శకుడిగా అయితే తమన్‌ లేదంటే దేవిశ్రీప్రసాద్‌ పేరే వినిపించేది. మణిశర్మ పేరు అప్పుడప్పుడు వినిపించేది. అయితే తమన్‌, డీఎస్పీనే ముఖ్యంగా ఉంటూ వచ్చారు. అయితే ఇప్పుడు టాలీవుడ్‌ స్టార్‌ హీరోల మ్యూజిక్‌ డైరక్టర్‌ పేరు కోసం ట్రయాంగిల్‌ పోరు మొదలైనట్లు కనిపిస్తుంది. కొత్తగా పోటీలోకి వచ్చిన పేరు అనిరుధ్. నిజానికి అనిరుధ్ స్టార్‌ హీరోలకు పర్‌ఫెక్ట్‌ కాంబినేషన్‌ అని అంటుంటారు.
తమిళంలో అలాగే జరుగుతోంది కూడా. అయితే తెలుగులో ఎంట్రీ ఇచ్చిన తొలి సినిమా ‘అజ్ఞాతవాసి’ దారుణంగా దెబ్బకొట్టింది. ఆ తర్వాత చేసిన ‘గ్యాంగ్‌ లీడర్‌’ ఫర్వాలేదనిపించింది. దీంతో అనిరుధ్ ఇక తెలుగులోకి రాడేమో అనుకున్నారు. కానీ ఇప్పుడు చూస్తే వరుసగా సినిమాలు ఓకే చేసేస్తున్నాడు. ఇందులో ఎక్కువ శాతం భారీ సినిమాలే కావడం విశేషం. ఎన్టీఆర్ – కొర‌టాల శివ కాంబినేషన్లో రూపొందుతున్న చిత్రానికి అనిరుధ్‌ను సంగీత దర్శకుడిగా ఎంచుకున్నారని తెలుస్తోంది. నిజానికి ‘అరవింద సమేత’కే అనిరుధ్ మ్యూజిక్‌ ఇవ్వాల్సింది.
అనౌన్స్‌ చేసినా… కొన్ని కారణాల వల్ల ఆ ప్రాజెక్టులో అనిరుధ్ ఉండలేదు. అది పక్కనపెడితే రామ్ చ‌ర‌ణ్ – శంక‌ర్- దిల్‌ రాజు కాంబినేషన్లో రూపొందే చిత్రంలో కూడా అనిరుథ్ ఉన్నాడట. ఈ రెండూ కాకుండా త్రివిక్ర‌మ్ – మ‌హేష్‌బాబు చేస్తున్న SSMB28లో కూడా ఇదే పరిస్థితి. అయితే ఈ సినిమాకు మణిశర్మ పేరు కూడా అనుకుంటున్నారు. ఒకటి రెండు రోజుల్లో తేలిపోతుంది. అనిరుథ్‌కే ఎక్కువ అవకాశాలున్నాయని టాక్‌ వినిపిస్తోంది. అలా ఇప్పుడు టాలీవుడ్‌ ట్రయాంగిల్‌ పోరు జరుగుతోంది. అప్పుడప్పుడు మణిశర్మ మధ్యలోకి వచ్చి దానికి నాలుగు స్తంభాలాటగా చేస్తున్నారు కూడా.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
Home
