పవన్‌ కల్యాణ్‌ – త్రివిక్రమ్.. పేర్లు రెండు, మనుషులు ఇద్దరు కానీ.. నిజానికి వీరిద్దరూ ఒకటే అంటారు టాలీవుడ్‌ జనాలు. సినిమాలకు సంబంధించి త్రివిక్రమ్ ఆలోచనలు లేకుండా పవన్‌ కల్యాణ్‌ ఏమీ చేయరు అని ఓ టాక్‌. అయితే అలాంటి వ్యక్తి లేకుండా పవన్‌ కల్యాణ్‌ సినిమా ప్రారంభం అయ్యింది అంటే నమ్ముతారా? కానీ నమ్మాలి ఎందుకంటే అది జరిగింది నిన్నే కాబట్టి. ‘ఉస్తాద్‌ భగత్‌ సింగ్‌’ సినిమా ముహూర్తం కార్యక్రమంలో త్రివిక్రమ్ ఎక్కడా కనిపించలేదు.
ఎప్పుడో 14 ఏళ్ల క్రితం ‘జల్సా’ అనే సినిమా ఇద్దరూ కలసి చేశారు. ఆ సమయంలో ఇద్దరి మధ్య ఏర్పడిన స్నేహం.. ఇప్పటికీ కొనసాగుతోంది. ఈ క్రమంలో ఇద్దరూ కలసి మూడు సినిమాలు చేశారు. మరో రెండు సినిమాలకు త్రివిక్రమ్ రచనా సహకారం కూడా అందించారు. కొన్ని ప్రాజెక్టులు సెట్‌ అవ్వడంలోనూ ఆయన హస్తం ఉంది. ఇదంతా సినిమా వరకు, అయితే వ్యక్తిగతంగా కూడా ఇద్దరూ మంచి మిత్రులు అని చెబుతారు. అలాంటి త్రివిక్రమ్ లేకుండా పవన్‌ కల్యాణ్‌ కొత్త సినిమా అంటే ఊహించలేం.
కానీ ఇది జరిగింది. దీని వెనుక కారణం ఏంటి అనేది.. త్రివిక్రమ్‌ను క్లోజ్‌గా ఫాలో అయ్యేవాళ్లకు తెలిసిపోతుంది. దానికి కారణం ఈ సినిమా ప్రొడక్షన్‌ హౌస్‌ అని అంటున్నారు. మైత్రీ మూవీ మేకర్స్‌ నిర్మాణంలో ‘ఉస్తాద్‌ భగత్‌ సింగ్‌’ తెరకెక్కుతోంది. గతంలో ఇదే నిర్మాణ సంస్థ త్రివిక్రమ్‌కు ఓ సినిమా కోసం అడ్వాన్స్‌ ఇచ్చింది. అయితే ఆ సినిమా తెరకెక్కే క్రమంలో ఆగిపోయింది. దీంతో మొత్తం డబ్బును అర్జెంట్‌గా వెనక్కిచ్చేయమని ఆ నిర్మాతలు అడిగారని టాక్‌.
దానికి అప్పుడు త్రివిక్రమ్ బాగా హర్ట్‌ అయ్యారని, అడిగే విధానం ఆయన మనసును నొప్పించిందని సమాచారం. దీంతోనే ఈ ఈవెంట్‌కు రాలేదు అని అంటున్నారు. అయితే ప్రస్తుతం త్రివిక్రమ్.. మహేష్‌బాబు సినిమా కోసం దుబాయిలో ఉన్నారు. అందుకే రాలేదు అని కొంతమంది అనొచ్చు.. అయితే పవన్‌ సినిమా అంటే ఆయన ఒక రోజు వచ్చి వెళ్లొచ్చు కూడా. కానీ రాలేదు అంటే కారణం అదే అనేది ప్రత్యేకంగా చెప్పక్కర్లేదు.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home