ఈ రోజుల్లో కంటెంట్ క్లిక్కయితే స్టార్స్ తో సంబంధం లేకుండా సినిమాలు బాక్సాఫీస్ కలెక్షన్స్ అందుకుంటున్నాయి. ఇటీవల వచ్చిన జాతిరత్నాలు సినిమా అందుకు ప్రత్యేక ఉదాహరణ. కొంతమంది నిర్మాతలు అదే తరహాలో నేటితరం దర్శకులకు హీరోలకు మంచి అవకాశాలు ఇస్తున్నారు. ఇక మహేష్ బాబు కూడా తన GMB ప్రొడక్షన్ లో బయట హీరోలతో సినిమాలు నిర్మించాలని అనుకుంటున్నాడు. మహేష్ బాబు ఇప్పటికే అడివి శేష్ తో మేజర్ అనే సినిమాను రెడీ చేస్తున్నాడు.
కరోనా లాక్ డౌన్ లేకపోయి ఉంటే ఆ సినిమా ఈపాటికే విడుదలయ్యుండేది. ఇక అదే తరహాలో మరిన్ని విభిన్నమైన కాన్సెప్ట్ సినిమాలను నిర్మించాలని అనుకుంటున్న మహేష్ ఇదివరకే జాతిరత్నాలు హీరో నవీన్ పొలిశెట్టితో ఒక సినిమా చేయాలని ఫిక్స్ అయ్యాడు. మంచి దర్శకుడు సెట్టయితే అతని సినిమా వెంటనే స్టార్ట్ కావచ్చు. ఇక రీసెంట్ గా డైరెక్టర్ వెంకీ కుడుముల దగ్గర కూడా ఒక కథను ఫైనల్ చేసినట్టు సమాచారం. ఆ దర్శకుడు ఇప్పటికే ఇద్దరు మీడియం రేంజ్ హీరోలకు కథ వినిపించాడు.
ముందుగా ఎవరు ఓకే అంటే వారితోనే GMB ప్రొడక్షన్ లో సినిమా ఉండవచ్చని సమాచారం. ఇక నమ్రత సపోర్ట్ తోనే GMB బ్యానర్ లో కథల సెలక్షన్ జరుగుతోంది. ఆమెకు నచ్చితేనే మహేష్ వద్దకు స్క్రిప్ట్ వెళుతుందట. ఇద్దరు గ్రీన్ సిగ్నల్ ఇచ్చిన తరువాతే సినిమాను స్టార్ట్ చేస్తున్నట్లు సమాచారం.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
