Kalki 2898 AD: కల్కి సినిమాతో ప్రభాస్ ఖాతాలో మరో రెండు రికార్డులు చేరాయా?

టాలీవుడ్ స్టార్ హీరోలలో ఒకరైన ప్రభాస్ (Prabhas)  క్రేజ్ పరంగా టాప్ లో ఉన్నారనే సంగతి తెలిసిందే. కల్కి 2898 ఏడీ (Kalki 2898 AD)  మూవీ 1000 కోట్ల రూపాయల గ్రాస్ కలెక్షన్లను సాధించిందని అధికారికంగా మేకర్స్ ప్రకటించారు. మరికొన్ని రోజులు బాక్సాఫీస్ వద్ద కల్కి మూవీ హవా కొనసాగే అవకాశాలు అయితే ఉన్నాయని కామెంట్లు వ్యక్తమవుతూ ఉండటం గమనార్హం. ప్రభాస్ కర్ణుడి పాత్రకు సంబంధించిన పోస్టర్ ను మేకర్స్ రిలీజ్ చేసిన సంగతి తెలిసిందే.

మరోవైపు ఈ సినిమా నార్త్ అమెరికాలో నాన్ బాహుబలి (Baahubali) రికార్డ్ ను బ్రద్దలుగొట్టింది. నార్త్ అమెరికాలో ఈ సినిమా ఏకంగా 17 మిలియన్ డాలర్ల కలెక్షన్లను సాధించింది. మరోవైపు సౌత్ హీరోలలో 1000 కోట్ల రూపాయలకు పైగా కలెక్షన్లను రెండుసార్లు సాధించిన తొలి హీరోగా ప్రభాస్ ఖాతాలో మరో రేర్ రికార్డ్ చేరడం ఫ్యాన్స్ కు ఆనందాన్ని కలిగిస్తోంది.

గతంలో బాహుబలి2 (Baahubali 2) సినిమా బాక్సాఫీస్ వద్ద 1800 కోట్ల రూపాయల కలెక్షన్లను సాధించింది. బాహుబలి2 మూవీ 10 రోజుల్లో 1000 కోట్ల రూపాయల మార్క్ ను టచ్ చేయగా కల్కి 2898 ఏడీ సినిమా మాత్రం 1000 కోట్ల రూపాయల మార్క్ ను టచ్ చేయడానికి 15 రోజుల సమయం పట్టింది. కల్కి ఈ రికార్డ్ ను సొంతం చేసుకున్న నేపథ్యంలో కల్కి సీక్వెల్ ఏ రేంజ్ లో రికార్డ్స్ క్రియేట్ చేస్తుందో చూడాల్సి ఉంది.

కల్కి సీక్వెల్ ప్రభాస్ కు కచ్చితంగా మెమొరబుల్ మూవీ అవుతుందని ఇందులో ఎలాంటి సందేహం అయితే అక్కర్లేదని కామెంట్లు వ్యక్తమవుతున్నాయి. ప్రభాస్ ను అభిమానించే ఫ్యాన్స్ సంఖ్య అంచనాలకు మించి పెరుగుతుండగా ఇతర భాషల్లో సైతం మార్కెట్ ను పెంచుకుంటూ ప్రభాస్ కెరీర్ పరంగా అదరగొడుతున్నారు. ప్రభాస్ రెమ్యునరేషన్ పరంగా కూడా టాప్ లో ఉండటం గమనార్హం.