Pawan Kalyan: పవన్‌ కల్యాణ్‌ నుండి రెండు అప్‌డేట్స్‌!

కరోనా పరిస్థితులు నెమ్మదిస్తున్నాయి. ఇక సినిమా షూటింగ్‌ల హడావుడి మరింత వేగం అందుకుంటుందని పరిశ్రమ వర్గాలు చెబుతున్నాయి. అంటే ఇప్పటికే కొన్ని షూటింగ్‌లు జరుగుతున్నా, ఇప్పుడు వాటి వేగం పుంజుకుంటుందని టాక్‌. ఈ నేపథ్యంలో పవన్‌ కల్యాణ్‌ అభిమానులకు గుడ్‌ న్యూస్‌లు వచ్చాయి. ఒకటి కాదు, ఏకంగా రెండు వార్తలను ఇప్పుడు మీ ముందుకు తీసుకొస్తున్నాం. టాలీవుడ్‌ వర్గాల సమాచారం ప్రకారం… పవన్‌ సెట్స్‌ మీదకు అతి త్వరలో వచ్చేస్తున్నారట.

Click Here To Watch

కొత్త సంవత్సరంతో పవన్‌ కల్యాణ్‌ ‘హరి హర వీరమల్లు’ సినిమా కొత్త షెడ్యూల్‌ షూటింగ్‌ ప్రారంభిస్తారని గతంలో వార్తలొచ్చాయి. కానీ కరోనా కేసుల సంఖ్య పెరుగుతుండటంతో ఆ సినిమా షూటింగ్‌ వాయిదా పడింది. అయితే ఇటీవల దర్శకుడు క్రిష్‌ బృందం పవన్‌ను కలసి షూటింగ్‌ షెడ్యూల్‌ గురించి చర్చించిందట. త్వరలో సినిమా మొదలుపెట్టి, వీలైనంత త్వరగా పూర్తి చేయాలని చూస్తున్నారట. గతంలో వచ్చిన సమాచారం ప్రకారం అయితే పవన్‌… ‘హరి హర..’కి 30 రోజుల డేట్స్‌ ఇచ్చారు.

అంతేకాదు ఈ సినిమాను తమిళంలో భారీ స్థాయిలో విడుదల చేస్తున్నారట. తమిళ మాటల రచయిత మదన్‌ కార్కీ ఇటీవల పవన్‌ను కలిశారు. క్రిష్‌ టీమ్‌తో ఆయన కూడా ఉన్నారు. పవన్ కల్యాణ్ కెరీర్ లోనే అత్యధిక బడ్జెట్‌తో ఈ సినిమా రూపొందుతోంది. ఈ సినిమాలో పవన్‌ జులపాల జుట్టుతో కనిపిస్తాడు. ఇప్పటికే బయటకు వచ్చిన ప్రచార చిత్రాల్లో మనం ఆ జుట్టును చూశాం. ఇప్పుడు ఆ పాత్ర కోసమే పవన్‌ మళ్లీ జుట్టుకు పెంచుతున్నారు. ఇటీవల పవన్‌ ముచ్చింతల్‌ వెళ్లినప్పుడు మళ్లీ పొడవాటి జుట్టుతో కనిపించాడు.

దీంతో ‘భవదీయుడు భగత్‌ సింగ్‌’ సినిమా గురించి కూడా అప్‌డేట్‌ వచ్చింది. ‘‘సినిమాలో టైమింగ్‌ ఎంత ముఖ్యమో.. సినిమాకూ టైమింగ్‌ అంతే ముఖ్యమని నేను నమ్ముతా. అతి త్వరలోనే ఈ సినిమాకు సంబంధించిన అన్ని విషయాలు మీతో పంచుకుంటా. మీ సపోర్ట్‌, ఓపికకు ధన్యవాదాలు’’ అంటూ హరీష్‌ శంకర్‌ నిన్న ఓ వాయిస్‌ ట్వీట్‌ చేశాడు. మైత్రీ మూవీ మేకర్స్‌ నిర్మాణంలో ఈ సినిమా రూపొందుతోంది. సో ఈ వివరాలు అభిమానులకు పండగే. ఇంకొన్ని వివరాలు తెలిస్తే ఇంకా సూపర్‌.

గుడ్ లక్ సఖి సినిమా రివ్యూ & రేటింగ్!

Most Recommended Video

అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!