అభినేత్రి సావిత్రి జీవితం గురించి ఎంత చెప్పినా తక్కువే అవుతుంది. ఆమె సాధించిన విజయాలు.. ఆమె కన్నీటి వెనుక బాధలు.. మనసులోనే దాచుకున్న ఆశలు.. మూడు గంటల్లో చెప్పడమంటే అంత తేలికైన విషయం కాదు. పైగా సావిత్రి పెళ్లి చేసుకున్న జెమిని గణేశన్ జీవితంలో తనకంటే ముందే ఇద్దరు పెళ్ళాలు ఉన్నారు. వారి జీవితం గురించి చెప్పాలంటే రెండు, మూడు భాగాలుగా బయోపిక్ తీయాల్సి ఉంటుంది. కానీ నాగ్ అశ్విన్ ఒకే సినిమాలో అన్ని ముఖ్య సంఘటనలను చూపించారు. కొన్ని సందర్భాలను తీసి కూడా డిలీట్ చేశారు. అటువంటి సన్నివేశాలను ఒక్కొక్కదాన్ని రిలీజ్ చేస్తూ వస్తున్నారు నిర్మాతలు.
అయితే ఈరోజు రిలీజ్ చేసిన సన్నివేశం అందరినీ ఆకట్టుకుంటోంది. సావిత్రిని పెళ్లి చేసుకొని ఆమె దగ్గరే ఉండిపోయిన జెమిని గణేశన్ కి, అతని ఇద్దరు భార్యలు, పిల్లలను సావిత్రి కలిపే సన్నివేశం కంటతడి పెట్టిస్తోంది. సావిత్రి ది బంగారు మనసు అని ఈ సన్నివేశం మరోసారి నిరూపిస్తోంది. తండ్రి లేని బాధ ఎలా ఉంటుందో తెలిసిన సావిత్రి, ఆ బాధ జెమిని గణేశన్ పిల్లలకు ఉండకూడదని అందరిని కలిపింది. ఈ వీడియో చూసిన నెటిజనులు ఇంతమంచి సన్నివేశాన్ని ఎందుకు తీసేశారని ప్రశ్నిస్తున్నారు. మరి ఈ ప్రశ్నకు నాగ్ అశ్విన్ ఏమని సమాధానం చెబుతారో చూడాలి.
