జానర్ ఏదైనప్పటికీ విలక్షణ కథలతో వస్తున్న సినిమాలకు మంచి ఫలితం దక్కుతోంది. అదే కోణంలో మునుపెన్నడూ చూడని పాయింట్ టచ్ చేస్తూ ‘కిరోసిన్’ అనే సినిమా రూపొందిస్తున్నారు. ఓ కఠోర నిజం అనే ట్యాగ్ లైన్ తీసుకొని అన్ని వర్గాల ఆడియన్స్‌ అట్రాక్ట్ అయ్యేలా భారీ హంగులు జోడించి ప్రత్యేక శ్రద్దతో ఈ సినిమా తెరకెక్కిస్తున్నారు.
బిగ్ హిట్ ప్రొడక్షన్స్ బ్యానర్ పై క్రైమ్ థ్రిల్లర్‌గా తెరకెక్కుతున్న ఈ సినిమాకు ధృవ కథ అందిస్తూ దర్శకత్వం వహించడంతో పాటు స్క్రీన్ ప్లే, డైలాగ్స్ రాసే బాధ్యతలు తీసుకున్నారు. దీప్తి కొండవీటి, పృథ్వీ యాదవ్ నిర్మాతలుగా వ్యవహరిస్తున్నారు. ధృవ, ప్రీతి సింగ్, భావన మణికందన్, బ్రహ్మాజీ, మధుసూదన్ రావు, కంచెరపాలెం రాజు, సమ్మెట గాంధీ, జీవన్ కుమార్, రామారావు జాదవ్, లక్ష్మణ్ మీసాల, లక్ష్మీకాంత్ దేవ్, లావణ్య కీలక పాత్రలు పోషిస్తున్నారు.
ఇప్పటికే షూటింగ్ ఫినిష్ చేసుకొని పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమా ప్రమోషన్స్ వేగవంతం చేశారు మేకర్స్. ఇందులో భాగంగా తాజాగా కిరోసిన్ కాన్సెప్ట్ పోస్టర్ లాంచ్ చేశారు. తెలంగాణ డైరెక్టర్ డిపార్ట్మెంట్ ఆఫ్ లాంగ్వేజ్ అండ్ కల్చర్ శ్రీ హరికృష్ణ మామిడి చేతుల మీదుగా ఈ పోస్టర్ విడుదల చేశారు. ఈ సందర్భంగా ఆయన మాట్లాడుతూ.. ధృవలో మల్టీ టాలెంట్ ఉందని అన్నారు. దర్శకుడిగా, నటుడిగా, రైటర్‌గా పలు కోణాల్లో ధృవ పట్టు సాధిస్తున్నాడని చెప్పారు. చిత్ర యూనిట్ మొత్తానికి ఆల్ ది బెస్ట్ చెబుతూ కిరోసిన్ మూవీ బిగ్ సక్సెస్ కావాలని కోరుకున్నారు.
ఇక ఈ ‘కిరోసిన్’ పోస్టర్ చూస్తే పోలీస్ డ్రెస్‌లో కనిపిస్తున్న హీరో, పోలీస్ లైన్ డు నాట్ క్రాస్ అనే ట్యాగ్ కనిపిస్తోంది. మొత్తానికైతే ఈ సినిమా ద్వారా ఏదో కొత్త విషయం చెప్పబోతున్నారని స్పష్టమవుతోంది. మరికొద్ది రోజుల్లో ఈ మూవీ రిలీజ్ డేట్ ప్రకటించనున్నారు మేకర్స్.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
