సీనియర్ హీరోయిన్ విజయశాంతి (Vijayashanti) చైల్డ్ ఆర్టిస్ట్ గా సినీ కెరీర్ ను ప్రారంభించారు. కానీ కొన్ని కారణాల వల్ల ఆమె చైల్డ్ ఆర్టిస్ట్ గా నటించిన సినిమాలు రిలీజ్ కాలేదు. ఈ క్రమంలో సూపర్ స్టార్ కృష్ణ హీరోగా రూపొందిన ‘కిలాడీ కృష్ణుడు’ తో ఆమె నటిగా ఎంట్రీ ఇచ్చారు. ఆ తర్వాత వరుస సినిమాల్లో అవకాశాలు పొందారు. నటిగా ఎంట్రీ ఇచ్చిన కొన్నేళ్ళకే కృష్ణ నుండి చిరంజీవి (Chiranjeevi), నాగార్జున (Nagarjuna), వెంకటేష్ (Venkatesh), బాలకృష్ణ (Balakrishna) వంటి స్టార్ హీరోలందరి సరసన నటించి స్టార్ హీరోయిన్ గా ఎదిగారు.
ఓ పక్క గ్లామర్ రోల్స్ చేసినా ‘ప్రతిఘటన’ వంటి సోషల్ మెసేజ్ కలిగిన సినిమాల్లో అవకాశాల్లో నటించే అవకాశాలు వస్తే ఆమె వదులుకోకుండా చేసేవారు. అందుకే ప్రేక్షకుల్లో ఆమె ఎంతో గౌరవాన్ని సంపాదించుకున్నారు. అయితే ఎవ్వరూ ఊహించని విధంగా 1990 లో వచ్చిన ‘కర్తవ్యం’ సినిమాలో ప్రధాన పాత్ర పోషించారు.
వైజయంతి ఐపీఎస్ గా ఓ పవర్ఫుల్ రోల్లో ఆమె అద్భుతంగా నటించి మెప్పించారు. ఈ సినిమాలో ఆమె ‘ఉత్తమ నటి’ కేటగిరీలో జాతీయ అవార్డుని సైతం పొందారు. అంతేకాదు లేడీ అమితాబ్, లేడీ సూపర్ స్టార్ వంటి బిరుదులు సైతం ఆమెను వరించాయి. ‘కర్తవ్యం’ సినిమాని మోహన్ గాంధీ డైరెక్ట్ చేయగా ఏ.ఎం.రత్నం నిర్మించారు. ఒక రకంగా కిరణ్ బేడీ జీవితం స్ఫూర్తిగా ఈ చిత్రాన్ని రూపొందించారు అని చెప్పాలి.
ఈ సినిమాలో మీనా ఓ కీలక పాత్ర పోషించారు. తర్వాత ఆమె కూడా స్టార్ హీరోయిన్ అయిన సంగతి తెలిసిందే. ఇక రూ.90 లక్షల బడ్జెట్లో తీసిన ఈ సినిమా ఫుల్ రన్లో బాక్సాఫీస్ వద్ద రూ.7 కోట్ల వరకు గ్రాస్ ను కలెక్ట్ చేసి చరిత్ర సృష్టించింది. బహుశా ఈ విషయం ఎక్కువ మందికి తెలిసుండకపోవచ్చు.
Home