మొన్నీ మధ్య జీక్యూ అవార్డుల వేడుకకు ప్రముఖ కథానాయిక సమంత (Samantha) వచ్చిన విషయం తెలిసిందే. స్కిన్‌ కలర్‌ డ్రెస్‌లో ఆమెను చూసి కుర్రకారు కేకో కేక అంటూ పొంగిపోయారు కూడా. అయితే ఆమె ముఖంలో మునపటి కళ లేకపోవడంతో ఏంటీ ఇలా అయిపోయింది అని బాధపడిన వాళ్లూ ఉన్నారు. అందులో ఒకరు ఆమెను నేరుగా సోషల్‌ మీడియాలో అడిగేశారు. దానికి ఏమన్నా సమాధానం చెబుతుందేమో అని ఇతర ఫ్యాన్స్‌ ఎదురుచూస్తే.. సమంత కాస్త డిఫరెంట్‌గా రిప్లై ఇచ్చింది.
అందులో సమాధానం లేకపోతే.. సవాల్‌ వచ్చింది. ఫిట్‌నెస్‌ విషయంలో సమంత ఎన్నో జాగ్రత్తలు పాటిస్తుంది. మయోసైటిస్‌ రుగ్మత తర్వాత ఆమె చాలా వీక్‌ అయిపోయింది. అయినా కసరత్తులు, డైట్‌లు ఆపలేదు. అయితే గత కొన్ని రోజులుగా సమంతను చూస్తే ఇంకా అనారోగ్యంతో ఉన్నట్లుగానే కనిపిస్తోంది. ముఖం పీక్కుపోయి డల్‌గా ఉంది. ఇదే విషయాన్ని ఓ నెటిజన్‌ ప్రస్తావించారు. మీరు బాగా చిక్కిపోయారని, అనారోగ్యంగా కనిపిస్తున్నారని అన్నాడు. దీనిపై సమంత (Samantha) స్పందించారు. ఈ క్రమంలో నెటిజన్లకు సవాలు విసిరారు.
అంతేకాదు ఆ సవాలు పూర్తి చేయకపోతే తనను అలా కామెంట్‌ చేయొద్దని చెప్పింది. ఇంతకీ ఏమైందంటే.. సమంత (Samantha) ఇటలీవల ఇన్‌స్టాగ్రామ్‌ స్టోరీస్‌లో ఒక వీడియో షేర్‌ చేసింది. అందులో జిమ్‌లో పుల్‌ అప్స్ చేస్తూ కనిపించింది. దాని కిందే ఈ కామెంట్స్‌ నడిచాయి. ఆ వీడియనే ఉదాహరణగా చూపిస్తూ ‘‘డీల్‌ కుదుర్చుకుందామా. ఇందులో చూపించిన విధంగా మీరు మూడు పుల్‌ అప్స్ చేయండి.
అప్పటివరకు సన్నబడ్డావు, ఆరోగ్యం బాలేదా? లాంటి చేయిద్దు అని సవాలు విసిరింది. అంటే ఆమెలా పుల్‌ ఆప్స్‌ చేస్తేనే ఆమెను కామెంట్‌ చేయాలి అన్నమాట. ఎందుకిలా సన్నబడ్డారు, అనారోగ్యం ఏమైనా వచ్చిందా అంటే అయితే అవును అని చెప్పాలి. లేదంటే లేదు అనాలి. లేదంటే చాలామంది సెలబ్రిటీల్లా రియాక్ట్‌ అవ్వకుండా ఉండాలి. మరి సమంత (Samantha) ఉద్దేశమేంటో?
