ప్రముఖ నటి ఇంట్లోకి ఓ ఆగంతకుడు ఆయుధాలతో ప్రవేశించి దాడి చేయడం కలకలం రేపింది. వివరాల్లోకి వెళితే.. మరాఠీలో క్రేజీ నటిగా పేరొందిన సోనాలి కులకర్ణి ఇంట్లోకి.. తాజాగా ఓ ఆగంతకుడు ఆయుధాలతో చొరబడడం జరిగింది. మంగళవారం నాడు రాత్రి ఆమె ఇంటి టెర్రస్ పై నుండి నేరుగా ఇంట్లోకి ప్రవేశించాడు ఆ దుండగుడు. అక్కడే ఉన్న పనిమనిషిని చూసిన ఆ దుండగుడు..తన వద్ద ఉన్న కత్తితో ఆమెను బెదిరించాడు. ‘నన్ను అరెస్ట్ చేయడానికి పోలీసులు వెంటపడుతున్నారు..
ఎక్కడ దాక్కోవాలో చెప్పు.. లేదంటే ఈ కత్తితో నీ పై దాడి చేస్తా’ అంటూ ఆమెను బెదిరించాడు. చేసేది ఏమీ లేక ఆ టైం లో ఆమె సైలెంట్ గా ఉండిపోయింది. అయితే అదే టైంకి అక్కడకు వచ్చిన సోనాలి తండ్రి మనోహర్ ఆ ఆగంతకుడిని పట్టుకునే ప్రయత్నం చేశారు. కానీ ఆ దుండగుడు తన వద్ద ఉన్న కత్తితో అతని పై దాడి చేయగా.. మనోహర్ గాయాలు పాలయ్యాడు.
ఈ క్రమంలో ఆ దుండగుడు పారిపోయేందుకు ప్రయత్నించగా… మనోహర్ పెద్దగా అరవడం వలన కాలనీవాసులు వెంటనే అక్కడికి పరిగెత్తుకొని వచ్చి ఆ దుండగుడిని పట్టుకుని పోలీసులకు అప్పగించారు. ఒక ఫేక్ గన్ మరియు ఓ కత్తిని అతని దగ్గర నుండీ స్వాధీనం చేసుకున్నారు. అయితే అతను నటి సోనాలి ఇంట్లోకి ఎందుకు ప్రవేశించాడు? అతను ఎవరు? అతని కథేంటి? అనే విషయాలపై పోలీసులు దర్యాప్తు చేపట్టినట్లు సమాచారం.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
