మెగా పవర్ స్టార్ రాంచరణ్ వ్యక్తిగత విషయాల గురించి.. అలాగే ఆయన సినిమాల గురించి ఎప్పటికప్పుడు తన సోషల్ మీడియా అకౌంట్స్ ద్వారా అప్డేట్స్ ఇస్తూ ఉంటుంది.. ఉపాసన కొణిదెల. రాంచరణ్ కుక్ చేస్తున్న వీడియోస్ దగ్గర్నుండీ… ఏ పిక్ లో రాంచరణ్ మరింత అందంగా ఉంటాడు… ఎలాంటి పిక్స్ పెడితే ఫ్యాన్స్ పండుగ చేసుకుంటారు వంటి విషయాలతో పాటు… ఏ టైమ్ లో ఏ వీడియో రిలీజ్ చేస్తే జనంలోకి బాగా వెల్తుంది అనే విషయాలు తెలుసుకుని… అలా పోస్ట్ చేస్తుంటుంది ఉపాసన.
ఇక ఉపాసన చరణ్ కి ఒక అనఫీషియల్ పీఆర్వో లా పనిచేస్తుందంటూ సోషల్ మీడియాలో కొందరు ఫన్నీ కామెంట్స్ పెడుతుంటారు. టాలీవుడ్ లో రాంచరణ్, ఉపాసన బెస్ట్ కపుల్స్ అనడంలో సందేహం లేదు. చరణ్ కు సోషల్ మీడియాలో యాక్టివ్ గా ఉండేంత టైం ఉండదు కాబట్టి చరణ్ కన్నా ఎక్కువ ఉపాసన అప్ డేట్స్ పోస్ట్ చేస్తూ అభిమానులని ఆనందపరుస్తుంటుంది. ఇక రాంచరణ్ ప్రస్తుతం బోయపాటి శ్రీను డైరెక్షన్లో తెరకెక్కిన ‘వినయ విధేయరామా’ చిత్రంతో సంక్రాంతికి అలరించడానికి రెడీ అవుతున్నాడు. ఇక ఈ చిత్రంలో చరణ్ సరసన కైరా అద్వానీ హీరోయిన్ గా నటిస్తుంది. వివేక్ ఒబెరాయ్ విలన్ గా నటిస్తున్న ఈ చిత్రంలో కోలీవుడ్ హీరో ప్రశాంత్, స్నేహఆర్యన్ రాజేష్, హిమజ, హేమ వంటి వారు ముఖ్య పత్రాలు పోషిస్తున్నారు. దేవి శ్రీ ప్రసాద్ సంగీతమందించిన ఈ చిత్రాన్ని డీ.వి.వి.ఎంటర్టైన్మెంట్స్ బ్యానర్ ఫై డీ.వి.వి.దానయ్య నిర్మించారు. మాస్ అండ్ ఫ్యామిలీ ఎంటర్టైనర్ గా ఈ చిత్రం రూపొందింది.
