కన్ఫర్మ్ గా వస్తాయో లేదో తెలీదు కానీ వరుసగా పెద్ద సినిమాల విడుదల తేదీలను ప్రకటించేస్తున్నారు దర్శకనిర్మాతలు. అయితే మెగాస్టార్ చిరంజీవి నటిస్తున్న ‘ఆచార్య’,నందమూరి బాలకృష్ణ నటిస్తున్న ‘అఖండ’ సినిమాల విడుదల తేదీలను ఇంకా ప్రకటించలేదు.ఒక్కసారి 100శాతం సీటింగ్ కెపాసిటీకి అనుమతులు లభిస్తే టికెట్ రేట్లతో సంబంధం లేకుండా థియేటర్లలోకి వచ్చేందుకు ‘అఖండ’ రెడీగా ఉన్నాడు.ఇక సంక్రాంతి సీజన్ కు పవన్ కళ్యాణ్, మహేష్ బాబు, ప్రభాస్ వంటి స్టార్ హీరోలు టెంట్ వేసుకుని కూర్చున్నారు.
వాళ్ళతో పాటు వెంకీ కూడా లైన్లో ఉన్నాడు. ‘ఆర్.ఆర్.ఆర్’ అక్టోబర్ 13న రావడం గ్యారెంటీ అంటున్నారు. అయితే ‘ఆచార్య’ పరిస్థితే ఎటూ కానట్టు ఉంది. ‘ఆచార్య’ షూటింగ్ మరో వారంలో కంప్లీట్ అయిపోతుంది. కానీ ఈ చిత్రం 2022 సంక్రాంతికే విడుదలవుతుంది అంటూ ప్రచారం జరుగుతుంది. ‘షూటింగ్ కంప్లీట్ అయిపోయాక కూడా.. 4 నెలలు గ్యాప్ అవసరమా?’ అనేది విశ్లేషకుల ప్రశ్న. అక్టోబర్ 13న ‘ఆర్.ఆర్.ఆర్’ వంటి పాన్ ఇండియా మూవీనే రిలీజ్ కావడానికి రెడీగా ఉంది.
అలాంటప్పుడు ‘ఆచార్య’ ని ఒక రెండు వారాల ముందు రిలీజ్ చేసుకుంటే సరిపోతుంది కదా … సోలో రిలీజ్ దొరికే అవకాశం కూడా ఉంటుందనేది వారి మాట. అయితే మరో రెండు, మూడు రోజుల్లో ‘ఆచార్య’ విడుదల తేదీ కూడా బయటికి వచ్చే అవకాశాలు ఉన్నాయి. చూడాలి మరి కొరటాల అండ్ టీం ఏ డేట్ ను ఫైనల్ చేస్తుందో..!
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
