టాలీవుడ్ ఇండస్ట్రీకి చెందిన సినీ ప్రముఖులలో చాలామంది కరోనా బారిన పడి కోలుకున్న సంగతి తెలిసిందే. వకీల్ సాబ్ రిలీజైన కొన్ని రోజులకే పవన్ కళ్యాణ్ కు కరోనా పాజిటివ్ నిర్ధారణ కాగా మే నెల తొలివారంలో పవన్ కు కరోనా నెగిటివ్ వచ్చింది. ఊపిరితిత్తుల్లో ఇన్ఫెక్షన్ ఉండటంతో పవన్ కళ్యాణ్ కరోనా నుంచి కోలుకోవడానికి సమయం పట్టిందని వార్తలు వచ్చాయి. అయితే పవన్ కొడుకుతో కలిసి దిగిన ఒక ఫోటో నిన్నటినుంచి తెగ వైరల్ అవుతున్న సంగతి తెలిసిందే.
ఈ ఫోటోలో పవన్ కళ్యాణ్ బలహీనంగా ఉన్నారని తెలుస్తోంది. పవన్ కళ్యాణ్ ముఖంలో గతంతో పోలిస్తే చాలా మార్పులు రావడం గమనార్హం. పవన్ నీరసంతో బాధ పడుతున్నాడని కొన్ని రోజుల క్రితం వార్తలు రాగా పవన్ ఫోటో చూస్తే ఆ వార్తలు నిజమేనని నమ్మాల్సి వస్తోంది. అయితే పవన్ సన్నిహితులు మాత్రం పవన్ మరికొన్ని రోజులు విశ్రాంతి తీసుకుంటే మునుపటి లుక్ ను పొందుతాడని చెబుతున్నారు. పవన్ కళ్యాణ్ ఆరోగ్య పరిస్థితి మెరుగుపడాల్సి ఉండగా వైద్యులు కనీసం రెండు నెలలు రెస్ట్ తీసుకోవాలని పవన్ కు సూచనలు చేసినట్టు తెలుస్తోంది.
మరి పవన్ మరికొన్ని రోజులు రెస్ట్ తీసుకుంటారో లేదో చూడాల్సి ఉంది. పవన్ కళ్యాణ్ లుక్ అభిమానులను, ఆయనతో సినిమాలను నిర్మిస్తున్న నిర్మాతలను టెన్షన్ పెడుతుండటం గమనార్హం. పవన్ ప్రస్తుతం అయ్యప్పనుమ్ కోషియమ్ రీమేక్ తో పాటు హరిహర వీరమల్లు సినిమాలో నటిస్తున్నారు. ఈ రెండు సినిమాల షూటింగ్ లు పూర్తైతే హరీష్ శంకర్ డైరెక్షన్ లో పవన్ కళ్యాణ్ సినిమా ప్రారంభం కానుంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
