Ustaad Bhagat Singh: ‘ఉస్తాద్ భగత్ సింగ్’ కి అడ్డుపడుతున్న ‘ఎల్లమ్మ’

పవన్ కళ్యాణ్- హరీష్ శంకర్ కలయికలో 2వ సినిమాగా ‘ఉస్తాద్ భగత్ సింగ్’ రూపుదిద్దుకుంటోంది. నిన్ననే రిలీజ్ డేట్ కూడా ప్రకటించారు. సమ్మర్ కానుకగా మార్చి 26న విడుదలకు ముస్తాబవుతోంది ‘ఉస్తాద్ భగత్ సింగ్’. ఈ వార్త పవన్ కళ్యాణ్ అభిమానుల్లో కొత్త జోష్ నింపింది అనే చెప్పాలి. అయితే ఈ ప్రకటన దర్శకుడు హరీష్ శంకర్ అండ్ టీమ్..ని కొంచెం కంగారు పెడుతోంది అనే చెప్పాలి. ఎందుకంటే ‘ఉస్తాద్ భగత్ సింగ్’ పోస్ట్ ప్రొడక్షన్ పనులు పెండింగ్ ఉన్నాయి.

Ustaad Bhagat Singh

‘ఉస్తాద్ భగత్ సింగ్’ రిలీజ్ కి సరిగ్గా 48 రోజులు మాత్రమే టైమ్ ఉంది. పోస్ట్ ప్రొడక్షన్ పనుల్లో భాగంగా కొంత పార్ట్ సీజీ వర్క్ అలాగే ఆర్.ఆర్(బ్యాక్ గ్రౌండ్ స్కోర్) వర్క్ కంప్లీట్ అవ్వాలి. దీంతో దర్శకుడు హరీష్ శంకర్ కి టెన్షన్ పట్టుకుంది. ఎందుకంటే సంగీత దర్శకుడు దేవి శ్రీ ప్రసాద్ ప్రస్తుతం తాను హీరోగా డెబ్యూ ఇవ్వబోతున్న ‘ఎల్లమ్మ’ పై ఫోకస్ పెట్టాడు. చెన్నైలో ఆ సినిమా కోసం ట్రైన్ అవుతున్నాడు.

నిన్న సడన్ గా ‘ఉస్తాద్ భగత్ సింగ్’ రిలీజ్ డేట్ ని నిర్మాతలు ప్రకటించడంతో వెంటనే దేవి శ్రీ ప్రసాద్ వద్దకు పరిగెత్తాడు దర్శకుడు హరీష్ శంకర్. ఆర్.ఆర్ తో పాటు ప్రమోషన్స్ లో భాగంగా.. మరో 3 లిరికల్ సాంగ్స్ ని కూడా రిలీజ్ చేయాలి. వీటిపై దేవితో సుధీర్గమైన చర్చలు జరిపాడు హరీష్ శంకర్. ఆ టైమ్లో తీసుకున్న ఫోటోలను ఈరోజు ‘ఉస్తాద్ భగత్ సింగ్’ టీమ్ బయటకు వదిలింది. ప్రస్తుతం అవి వైరల్ అవుతున్నాయి. అదీ విషయం.

బేబీ బంప్ తో షాక్ ఇచ్చిన మృణాల్ ఠాకూర్