Vakeel Saab: అబ్బాయిలను అలా పెంచాలంటున్న వకీల్ హీరోయిన్..?

పవన్ స్టార్ పవన్ కళ్యాణ్ హీరోగా నటిస్తున్న వకీల్ సాబ్ సినిమా ఈ నెల 9వ తేదీన విడుదల కానున్న సంగతి తెలిసిందే. అంజలి, అనన్య నాగళ్ల, నివేదా థామస్ ఈ సినిమలో కీలక పాత్రల్లో నటించగా కరోనా నిర్ధారణ కావడంతో నివేదా థామస్ వకీల్ సాబ్ ప్రమోషన్స్ కు దూరమయ్యారు. అంజలి, అనన్య వకీల్ సాబ్ సినిమా ప్రమోషన్స్ లో పాల్గొంటూ ఆసక్తికర విషయాలను వెల్లడించారు. మల్లేశం సినిమాతో అనన్య నటిగా మంచి పేరు సంపాదించుకున్న అనన్య వకీల్ సాబ్ సినిమా తర్వాత వరుస ఆఫర్లు వస్తున్నాయని భావిస్తున్నారు.

ఈ సినిమా టికెట్ల కోసం స్నేహితుల నుంచి తనకు టార్చర్ ఎక్కువైందని స్నేహితుల స్నేహితుల కూడా టికెట్లు కావాలని కోరుతున్నారని చెప్పారు. తనను అడిగిన వాళ్లందరికీ టికెట్లు కొనిచ్చేంత డబ్బు తన దగ్గర లేదని అనన్య అన్నారు. వకీల్ సాబ్ మూవీకి ఇచ్చిన రెమ్యునరేషన్ ఖర్చు చేసినా అడిగిన వాళ్లందరికీ టికెట్స్ కొనివ్వడం సాధ్యం కాదని అనన్య పేర్కొన్నారు. అనన్య రెమ్యునరేషన్ గురించి చేసిన కామెంట్లు వైరల్ అవుతున్నాయి. అనన్య తనకు వకీల్ సాబ్ సినిమాకు తక్కువ మొత్తం ఇచ్చారని చెప్పకనే చెప్పేశారు. పాత్ర నచ్చితే ఎలాంటి పాత్రలోనైనా నటిస్తానని అనన్య పేర్కొన్నారు.

శృతిహాసన్ తో తనకు కాంబినేషన్ సీన్లు లేవని సినిమా రిలీజైన తరువాత సెలబ్రేషన్స్ చేసుకుంటానని ఆమె పేర్కొన్నారు. అమ్మాయిలనే కాదు అబ్బాయిలను కూడా తల్లిదండ్రులు పద్ధతిగా పెంచాలని అనన్య నాగళ్ల తెలిపారు. వకీల్ సాబ్ తరువాత అనన్య మరిన్ని ఆఫర్లతో బిజీ అవుతారేమో చూడాల్సి ఉంది. తెలుగమ్మాయి అయిన అనన్య ఇండస్ట్రీలో కొత్త ఆఫర్లను దక్కించుకుంటారో లేదో తెలియాలంటే కొంతకాలం ఆగాల్సిందే.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!