పవర్ స్టార్ పవన్ కళ్యాణ్ నటించిన ‘వకీల్ సాబ్’ సినిమా శుక్రవారం నాడు ప్రేక్షకుల ముందుకు వచ్చిన సంగతి తెలిసిందే. వేణుశ్రీరామ్ డైరెక్ట్ చేసిన ఈ సినిమాను దిల్ రాజు భారీ బడ్జెట్ తో నిర్మించారు. ఈ సినిమా బిజినెస్ కూడా ఓ రేంజ్ లో జరిగింది. అయితే కోవిడ్ సమయం కావడంతో ఫ్యామిలీ ఆడియన్స్ ఈ సినిమాకి వస్తారా..? లేదా..? అనే సందేహాలు నెలకొన్నాయి. అయితే ఇప్పుడు ఈ సినిమాకి సూపర్ హిట్ టాక్ రావడంతో అభిమానులతో పాటు ప్రేక్షకులంతా థియేటర్లకు క్యూ కడుతున్నారు.
కోవిడ్ లో కూడా ఈ సినిమా కలెక్షన్స్ తో రికార్డులు సృష్టించడం మొదలుపెట్టింది. అమెరికా లాంటి దేశాల్లో కోవిడ్ భయం చాలా ఎక్కువగా ఉంది. అక్కడ థియేటర్లలో ఇంకా వంద శాతం ఆక్యుపెన్సీకి పర్మిషన్స్ ఇవ్వడం లేదు. 50 నుండి 75 శాతం ఆక్యుపెన్సీకి మాత్రమే పర్మిషన్ ఉంది. ఇలాంటి పరిస్థితుల్లో కూడా ‘వకీల్ సాబ్’ సినిమా దాదాపు మూడు లక్షల డాలర్ల వసూళ్లను సాధించింది. ప్రీమియర్ షోల నుండి ‘వకీల్ సాబ్’కి 297K డాలర్ల వసూళ్లు వచ్చినట్లు తెలుస్తోంది.
ఈ ఏడాది ఇంత భారీ మొత్తం సంపాదించిన ఏకైక ఇండియన్ సినిమా ‘వకీల్ సాబ్’ అనే చెప్పాలి. విజయ్ నటించిన ‘మాస్టర్’ సినిమా, ‘ఉప్పెన’, ‘జాతిరత్నాలు’ ఇలా హిట్ టాక్ తెచ్చుకున్న ఏ సినిమా కూడా ఈ స్థాయిలో ఓపెనింగ్స్ రాబట్టుకోలేకపోయింది. పవన్ కళ్యాణ్ కి ఉన్న క్రేజ్ వలన కోవిడ్ లో కూడా ఈ సినిమా భారీ వసూళ్లను రాబడుతోంది. ఇక వీకెండ్ లో ఇంకెన్ని రికార్డులు సాధిస్తుందో చూడాలి!
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
