పవన్ కళ్యాణ్ హీరోగా వేణు శ్రీరామ్ డైరెక్షన్లో తెరకెక్కుతోన్న ‘వకీల్ సాబ్’ చిత్రం ఏప్రిల్ 9 న కాబోతుంది. దాంతో నిర్మాత దిల్ రాజు ఈ చిత్రం ప్రమోషన్స్ ను వేగవంతం చేస్తున్నాడు. ఇందులో భాగంగా ఈరోజు థర్డ్ సింగిల్ అయిన ‘కంటి పాప’ ను విడుదల చేసాడు. ఇప్పటికే ‘మగువా మగువా’ ‘సత్యమేవ జయతే’ వంటి పాటలకు అద్భుతమైన స్పందన లభించింది. సంగీత దర్శకుడు తమన్ పై ప్రశంసలు కూడా కురిపించాయి.
ఇక తాజాగా విడుదలైన ‘కంటిపాప’ కు మాత్రం మిశ్రమ స్పందన లభిస్తుంది. తమన్ మార్క్ రిపీట్ ట్యూన్స్ ఇందులో చాలానే ఉన్నాయనే కామెంట్లు వినిపిస్తున్నాయి.గురువు మణిశర్మ రిఫరెన్స్ లతో పాటు తన ‘మిరపకాయ్’ ‘ఆగడు’ ‘తొలిప్రేమ’ ‘సోలో బ్రతుకే సో బెటర్’ సినిమాల్లోని కొన్ని పాటల ట్యూన్లను కూడా రిపీట్ చేసాడట తమన్. అయినప్పటికీ రామజోగయ్య శాస్త్రి సాహిత్యం అందించిన ఈ పాటని అర్మాన్ మాలిక్,దీపు, గీత మాధురి వంటి సింగర్స్ బాగానే పాడారు.
సినిమా ఫ్లాష్ బ్యాక్ ఎపిసోడ్లో పవన్ కు శృతీ హాసన్ కు మధ్య వచ్చే లవ్ సాంగ్ ఇదని స్పష్టమవుతుంది.పవన్ కళ్యాణ్ లుక్స్ ఈ లిరికల్ సాంగ్ కు హైలెట్ అయ్యాయని చెప్పొచ్చు. కాబట్టి తమన్ కోసం కాకపోయినా పవన్ కోసం అయినా సరే ఈ లిరికల్ సాంగ్ ను చూస్తూ ఎంజాయ్ చేస్తారు ప్రేక్షకులు. కానీ పూర్తిగా సంతృప్తినిచ్చి చార్ట్ బస్టర్ అయ్యేంత పాట అయితే కాదనే చెప్పాలి.
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
