పవన్ కల్యాణ్‌ సినిమాల మీద మళ్లీ దృష్టి పెట్టేసరికి.. దర్శకులు, నిర్మాతలు చుట్టూరా తిరగడం మొదలుపెట్టారు. బాబు ఓకే అంటే… దర్శకుణ్ని సెట్‌ చేసేద్దాం అని నిర్మాతలు అనుకుంటుంటే, నిర్మాతలు పట్టేద్దామని దర్శకులు అనుకుంటున్నారు. పవన్ కూడా వరుసగా సినిమాలు ఓకే చేసేస్తూ బిజీ అయిపోతున్నాడు. సెట్స్‌ మీద రెండు సినిమాలుండగా, మరో సినిమాకు మొన్నీ మధ్య కొబ్బరికాయ కొట్టేశారు. వీళ్లు కాకుండా ఇంకొంతమంది లైన్‌లో ఉన్నారు. తాజాగా ఆ లైన్‌లో ఇంకో దర్శకుడు చేరాడని టాక్‌.
‘మహర్షి’ తర్వాత ఇంకా ఏ సినిమా కూడా ఓకే చేసుకోని వంశీ పైడిపల్లి పవన్‌కు ఓ కథ చెప్పడానికి రెడీగా ఉన్నాడని టాక్‌. దీని కోసం ఇప్పటికే పవన్‌ను ఒకటి, రెండుసార్లు కలిశాడని కూడా తెలుస్తుంది. అయితే కథ కానీ, పాయింట్‌ కానీ చెప్పే అవకాశం రాలేదని సమాచారం. వంశీకి కొంతమంది నిర్మాలతో కమిట్‌మెంట్స్‌ ఉన్నాయి… అయితే సరైన హీరో కోసం వెయిటింగ్‌ అట. ఆ హీరో పవన్ అని వంశీ అనుకుంటున్నాడట. దీని కోసమే ఓ కథ లైన్‌ను సిద్ధం చేసుకున్నాడని తెలుస్తోంది. పవన్‌కు చెప్పి ఓకే చేయించుకోవాలని చూస్తున్నాడట.
పవన్ – క్రిష్ సినిమా షూటింగ్ ఇటీవల హైద‌రాబాద్‌లో జరిగింది. ఈ సందర్భంగా వంశీ… సెట్స్‌కి వెళ్లి పవన్‌ను పలకరించి వచ్చాడట. అయితే బిజీ షెడ్యూల్‌లో పవన్‌కు కొత్త కథలు వినే పరిస్థితి లేదట. ఒకవేళ పవన్ కథ విని ఓకే చేసినా… సినిమా పట్టాలెక్కాలంటే వంశీ ఓ రెండుమూడేళ్లు ఆగాల్సిన పరిస్థితి. చూద్దాం పవన్ ఎప్పుడు కథ వింటాడో.. అసలు వింటాడో లేదో. ఒకవేళ ఓకే అయితే ఈలోపు వేరే సినిమా చేసుకొని… పవన్ కథకు అన్ని మెరుగులు దిద్దుకుంటాడేమో వంశీ.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
