విశాల్ పెళ్లి గురించి ఆసక్తికర కామెంట్స్ చేసిన వరలక్ష్మి!

విశాల్, వరలక్ష్మిలు కలిసి సినిమాలు చేస్తారు. కలిసి తిరుగుతారు. ఒకరికోసం ఒకరు పుట్టినట్టుగా ఉంటారు. పెళ్లి ప్రస్తావన తీసుకొస్తేమాత్రం తామిద్దరం మంచి స్నేహితులమని చెబుతుంటారు. అయినంత మాత్రాన గాసిప్స్ ఆగుతాయా.. వీరి మధ్య స్నేహం కన్నా మించి మంచి అనుబంధం ఉందని కోలీవుడ్ మీడియా కథనాలు ప్రచురిస్తున్నాయి. తాజాగా వీరిద్దరూ చేసిన చిత్రం “సండైకోళి 2’. ఈ చిత్రం తెలుగులో ‘పందెం కోడి 2’  గా ప్రేక్షకుల ముందుకు వచ్చింది.  ఇందులో విశాల్ హీరోగా అదరగొడితే.. విలన్ గా వరలక్ష్మి మెప్పించింది. రెండు భాషల్లో మంచి కలక్షన్స్ సాధిస్తోంది. ఈ సందర్భంగా మీడియా ముందుకువచ్చిన వరలక్ష్మి మీడియాతో మాట్లాడుతూ ఆసక్తికర సంగతులు చెప్పింది.

విశాల్ పెళ్లి ఎప్పుడు చేసుకుంటాడని ఆమెని ప్రశ్నిస్తే ఇలా చెప్పుకొచ్చింది. “నేను పెళ్లి ఎప్పుడు చేసుకుంటావని విశాల్ ను చాలా సార్లు అడిగాను. కాని ఆయన ఏ సమాధానం చెప్పలేదు. ఇంకొంత కాలం గడిస్తే పెళ్లి చేసుకోవాలని అనుకున్నా కూడా అమ్మాయి దొరకరు, నీకు అమ్మాయిని ఇచ్చేందుకు ఏ ఒక్కరు ముందుకు రారని కూడా చెప్పాను. కాని ఆయన మాత్రం పెళ్లి కి నడిగర్ సంఘం భవనంకు ముడి పెడుతున్నాడు. ఎప్పుడైతే నడిగర్ సంఘం భవనంను పూర్తి చేస్తాడో అప్పుడే పెళ్లి చేసుకోవాలని దృడ నిశ్చయంతో ఉన్నాడు” అని వరలక్ష్మి వివరించింది. ఆమె సమాధానం ఇప్పుడు కోలీవుడ్, టాలీవుడ్ వర్గాల్లో హాట్ టాపిక్ అయింది.