వరుణ్‌తేజ్‌… టాలీవుడ్‌లో సరైన విజయం అందుకోవడం బాకీ పడ్డ నటుడు. గ్లామర్‌ ఉండి, కటౌట్‌ ఉండి.. ఎక్కడో తేడా కొట్టడ్డం వల్ల విజయాలు అందుకోలేకపోతున్నారు. అయితే ఇప్పుడు ఆయన ఓ పాన్‌ ఇండియా సినిమాతో బరిలోకి దిగబోతున్నారు. బాలీవుడ్‌ ప్రొడక్షన్‌ హౌస్‌, దర్శకుడితో కలసి ‘ఆపరేషన్‌ వాలెంటైన్‌’ అనే సినిమా చేశారు. ఈ సినిమా వాయిదాలు పడుతూ పడుతూ ఇప్పుడు మార్చి 1న రావడానికి సిద్ధమైంది. ఈ నేపథ్యంలో ఆయన మీడియాతో మాట్లాడుతూ ఆసక్తికర వ్యాఖ్యలు చేశారు.
తన ఫేవరెట్‌ హీరోయిన్‌ లావణ్య త్రిపాఠినే పెళ్లి చేసుకున్నానని చెప్పిన వరుణ్‌తేజ్‌.. బాబాయి పవన్‌ కల్యాణ్‌తో సినిమాకు రెడీ అని క్లారిటీ ఇచ్చేశాడు. ‘ఆపరేషన్‌ వాలెంటైన్‌’ సినిమాలో మానుషి చిల్లర్‌ కథానాయిక కాగా, శక్తి ప్రతాప్‌ సింగ్‌ దర్శకుడు. ఈ క్రమంలో కాలేజీ విద్యార్థులతో ముచ్చటించారు వరుణ్‌తేజ్‌. విద్యార్థులు అడిగిన ప్రశ్నలకు వరుణ్ సమాధానం ఇవ్వగా… అందులో ఓ విద్యార్థి ‘మీ ఫేవరెట్‌ హీరోయిన్‌ ఎవరు’ అని అడిగారు. దానికి వరుణ్ ‘నా ఫేవరెట్‌ హీరోయిన్‌నే నేను పెళ్లి చేసుకున్నా’’ అని చెప్పాడు.
అంతేకాదు మంచి కథలు వస్తే, తానూ లావణ్య కలిసి సినిమా చేస్తామని కూడా చెప్పాడు. ఇక తానే మొదట ప్రపోజ్‌ చేశానని అని ప్రేమ గురించి చెప్పాడు. లావణ్య కాకుండా ఎవరు ఫేవరెట్‌ అని అడిగితే… సాయిపల్లవి అంటే అభిమానమని చెప్పుకొచ్చాడు. బాబాయి పవన్‌ కల్యాణ్‌తో సినిమా చేయాలని తనకూ ఉందని, మంచి కథ దొరికితే రెడీ అని గ్రీన్‌ సిగ్నల్‌ ఇచ్చాడు. దీంతో కథకుల మీదే ఇక అంతా ఆధారపడి ఉంది.
ఎయిర్‌ఫోర్స్‌ నేపథ్యంలో తెలుగులో వస్తున్న మొదటి సినిమా తమదేనని గర్వంగా చెప్పాడు (Varun Tej) వరుణ్. కామెడీ సినిమాలు ఎన్నైనా చేయొచ్చు కానీ, దేశం కోసం చేసిన సినిమా గొప్పగా ఉంటుంది అని అన్నాడు. తన తర్వాతి సినిమా ‘మట్కా’ గురించి చెబుతూ అదొక పూర్తి మాస్‌ మూవీ అని, ‘గద్దల కొండ గణేష్‌’ తరహా ఉంటుందని క్లారిటీ ఇచ్చాడు.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!
