Varun Tej: వరుణ్‌తేజ్‌ బాలీవుడ్‌ ఎంట్రీ సెంటిమెంట్‌ మార్చాలి మరి!

చిరంజీవి టాలీవుడ్‌లో తిరుగులేదు. ఆయన తనయుడిగా ఇండస్ట్రీలో అడుగుపెట్టి, రామ్‌చరణ్ కూడా తన హవా చూపిస్తున్నాడు. అయితే ఈ ఇద్దరి విషయంలో ఉన్న లోటు బాలీవుడ్‌లో హిట్‌. కెరీర్‌ తొలినాళ్లలోనే ఇద్దరూ బాలీవుడ్‌కి వెళ్లి సినిమా చేసి… నిరాశపడి వచ్చారు. అయితే ఇప్పుడు మెగా కుటుంబం నుండి మరో హీరో బాలీవుడ్‌కి వెళ్తున్నాడని వార్తలొచ్చిన విషయం తెలిసిందే. దీంతో ‘మెగా’ బాలీవుడ్‌ జర్నీ గురించే ఇప్పుడు చర్చ అంతా. తెలుగులో మంచి స్వింగ్‌లో ఉన్న సమయంలో బాలీవుడ్‌లో ‘ప్రతిబంధ్‌’,

‘ఆజ్‌ కా గూండా రాజ్‌’ సినిమాలు చేశారు చిరంజీవి. ఈ రెండూ సరైన విజయం ఇవ్వలేదు. ఆ తర్వాత మళ్లీ ఆయన బాలీవుడ్‌ వైపు చూడలేదు. రామ్‌చరణ్‌ వెళ్లి ‘తుఫాన్‌’ చేశాడు. ప్రేక్షకులకు సినిమా కనెక్ట్‌ అవ్వలేదు. దీంతో రామ్‌చరణ్‌ మళ్లీ ఆ ప్రయత్నం చేయలేదు. అయితే ఇప్పుడు ‘ఆర్‌ఆర్‌ఆర్‌’తో వెళ్లబోతున్నాడు. ఈ ఇద్దరి ఫ్లాప్‌ సెంటిమెంట్‌ను తుడిపేయడం ఇప్పుడు వరుణ్‌తేజ్‌ చేతిలో ఉంది. సోనీ పిక్చర్స్‌ నిర్మాణంలో వరుణ్‌తేజ్‌ ఓ బాలీవుడ్‌ సినిమా చేస్తాడని వార్తలొచ్చాయి.

దీనికి సంబంధించి కథ కూడా విన్నారట. అంతా ఓకే అనుకుంటే ‘గని’ తర్వాత ఈ సినిమా మొదలవతుందని టాక్‌. వరుణ్‌ సినిమా ఓకే చేయడం అంటే… చిరంజీవి కూడా ఓకే చేయడమే. ఆయన వినకుండా కథ ముందుకెళ్లదు అని మనం ప్రత్యేకంగా చెప్పక్కర్లేదు. తన విషయంలో, చరణ్‌ విషయంలో జరిగిన తప్పులు చిరుకు బాగా తెలుసు. కాబట్టి వరుణ్‌ విషయంలో జాగ్రత్తగానే ఉంటారనుకుంటున్నాం.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!