మెగా హీరోలలో వరుణ్ తేజ్ ది ప్రత్యేక శైలి. ఆయన కెరీర్ బిగినింగ్ నుండి భిన్నమైన కథలు, ఛాలెంజింగ్ రోల్స్ చేస్తూ వస్తున్నారు. ఇమేజ్ తో సంబంధం లేకుండా మంచి కథ, భిన్నమైన రోల్ అంటే చాలు ఎగబడి చేసేస్తాడు. కంచె, అంతరిక్షం, ఫిదా అలాంటి చిత్రాలే. ఇక గత ఏడాది ఈ యంగ్ హీరో రెండు హిట్స్ తన ఖాతాలో వేసుకున్నాడు. 2019 సంక్రాంతి కానుకగా వచ్చిన మల్టీ స్టారర్ ఎఫ్ 2 సంక్రాంతి విన్నర్ గా నిలిచింది. ఎఫ్ 2 సూపర్ హిట్ అందుకొని వరుణ్ కి భారీ హిట్ అందించింది. గద్దలకొండ గణేష్ చిత్రంలో ఊర మాస్ విలన్ రోల్ లో వరుణ్ వీర విహారం చేశాడు. తమిళ చిత్రం జిగర్తాండ కు తెలుగు రీమేక్ గా వచ్చిన ఈ చిత్రంలో వరుణ్ నటన అందరినీ మెప్పించింది.
వరుణ్ తన తదుపరి చిత్రం కోసం కూడా అదే స్థాయిలో కష్టపడుతున్నారు. నూతన దర్శకుడు కిరణ్ కొర్రపాటి తెరకెక్కిస్తున్న ఈ చిత్రంలో వరుణ్ ప్రొఫెషనల్ బాక్సర్ రోల్ చేస్తున్నారు. మెగా ప్రొడ్యూసర్ అల్లు అరవింద్ పెద్ద కుమారుడు అల్లు వెంకట్ ఈ చిత్రంతో నిర్మాతగా మారుతున్నాడు. ఇటీవలే ఈ మూవీ ఫస్ట్ షెడ్యూల్ వైజాగ్ లో పూర్తి చేశారు. ఏప్రిల్ నుండి సెకండ్ షెడ్యూల్ మొదలుకానుంది. ఈ మూవీ కోసం వరుణ్ ప్రముఖ బాక్సర్స్ దగ్గర శిక్షణ తీసుకున్నారు. పాత్రలో పర్ఫెక్షన్ కోసం ఆయన ఫిజికల్ గా కూడా మేక్ ఓవర్ కావడం జరిగింది. ఇక కరోనా కారణంగా ఫిట్ నెస్ సెంటర్స్ సైతం మూతబడిన నేపథ్యంలో ఆయన ఇంటివద్ద శిక్షణ తీసుకుంటున్నాడు. షూటింగ్ విరామంలో సైతం వరుణ్ ఖాళీగా ఉండకుండా సినిమా కోసం కష్టపడుతున్నాడు.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
