డార్క్ కామెడీ సినిమాలో నెగిటివ్ రోల్లో మెగా హీరో

ప్రస్తుతం మెగా ఫ్యామిలీలో మోస్ట్ సక్సెస్ ఫుల్ హీరో అంటే వరుణ్ తేజ్ అనే చెప్పాలి. మాస్.. ఊర మాస్ అంటూ మధ్యలో కొన్ని తప్పులు చేసినా.. ఎక్కువ టైమ్ తీసుకోకుండా ఆ తప్పుల్ని సరిదిద్దుకొని వెనువెంటనే మోస్ట్ డిపెండబుల్ స్టార్ హీరోగా వరుణ్ తేజ్ ఎదుగుతున్న వైనం నవతరం హీరోలందరికీ గట్టి పోటీ ఇస్తోంది. అయితే.. వరుణ్ ఇప్పుడు తనలోని నటుడ్ని సంతృప్తిపరుచుకోవడం కోసం సన్నద్ధమవుతున్నాడు. కథానాయకుడిగా తనను తాను ఆల్రెడీ వైవిధ్యమైన పాత్రల్లో ప్రేక్షకులకి పరిచయం చేసుకొన్న వరుణ్ తేజ్ త్వరలో ప్రతినాయకుడి అవతారం ఎత్తబోతున్నాడు.

తమిళంలో ఘన విజయం విజయం సాధించడంతోపాటు.. నేషనల్ అవార్డ్ ను సొంతం చేసుకొన్న “జిగర్తాండ” చిత్రాన్ని తెలుగులో రీమేక్ చేసేందుకు హరీష్ శంకర్ సన్నద్ధమవుతున్న విషయం తెలిసిందే. ఈ చిత్రంలో కథానాయకుడిగా ఎవరు నటించనున్నారు అనే విషయంలో క్లారిటీ లేదు కానీ.. బాబీ సింహా పోషించిన విలన్ రోల్ ను మాత్రం వరుణ్ తేజ్ పోషించనున్నాడని తెలుస్తోంది. మరి బాబీ సింహా తరహాలో వరుణ్ కూడా విలన్ గా నేషనల్ అవార్డ్ రేంజ్ పెర్ఫార్మెన్స్ తో ఆకట్టుకొంటాడో లేదో చూడాలి.