Ghani Release Date: వరుణ్ గని మూవీ రిలీజయ్యేది అప్పుడేనా?

October 1, 2021 / 02:59 PM ISTByFilmy Focus

Join Us

Ghani Release Date: వరుణ్ గని మూవీ రిలీజయ్యేది అప్పుడేనా?

ఎఫ్2, గద్దలకొండ గణేష్ సినిమాల విజయాలతో జోరుమీదున్న వరుణ్ తేజ్ ప్రస్తుతం గని, ఎఫ్3 సినిమాలలో నటిస్తున్నారు. కొన్ని నెలల గ్యాప్ లోనే ఈ రెండు సినిమాలు రిలీజ్ కానున్నాయి. గని మూవీలో వరుణ్ తేజ్ బాక్సర్ గా నటిస్తుండగా కరోనా సెకండ్ వేవ్ వల్ల ఈ సినిమా జులైలోనే రిలీజ్ కావాల్సి ఉన్నా వాయిదా పడింది. దీపావళి పండుగకు గని మూవీ రిలీజ్ కానుందని వార్తలు ప్రచారంలోకి వచ్చాయి.

అయితే దీపావళి పండుగకు పెద్ద సినిమాలు రిలీజ్ కానున్న నేపథ్యంలో గని సినిమా డిసెంబర్ లో రిలీజయ్యే అవకాశాలు అయితే ఉన్నాయని తెలుస్తోంది. డిసెంబర్ లో బన్నీ హీరోగా తెరకెక్కుతున్న పుష్ప మూవీ రిలీజ్ కానున్న సంగతి తెలిసిందే. కిరణ్ కొర్రపాటి ఈ సినిమాకు దర్శకత్వం వహిస్తుండగా అల్లు అరవింద్ కొడుకు బాబీ, సిద్దు ముద్ద కలిసి ఈ సినిమాను నిర్మిస్తుండటం గమనార్హం. నవీన్ చంద్ర, జగపతిబాబు, ఉపేంద్ర ఈ సినిమాలో కీలక పాత్రలు పోషిస్తున్నారు.

బాలీవుడ్ బ్యూటీ సాయి మంజ్రేకర్ వరుణ్ కు జోడీగా ఈ సినిమాలో నటిస్తున్నారు. పుష్ప రిలీజ్ డేట్ మారే అవకాశం ఉందని వార్తలు వస్తున్న నేపథ్యంలో బన్నీ సినిమా రిలీజ్ కాకపోతే గని మూవీ రిలీజయ్యే అవకాశాలు ఉన్నాయి. ఒకవేళ పుష్ప డిసెంబర్ మూడవ వారంలో విడుదలైతే రెండు వారాల గ్యాప్ తో గని రిలీజయ్యే అవకాశాలు ఉన్నాయి. గని సినిమాతో వరుణ్ మరో బ్లాక్ బస్టర్ ఖాతాలో వేసుకుంటాడని ఫ్యాన్స్ భావిస్తున్నారు. వరుసగా సినిమాల్లో నటిస్తూ వరుణ్ తేజ్ ఫ్యాన్స్ ను సంతోషపరుస్తున్నారు.