యంగ్ డైరెక్టర్ కి మహేష్ ఛాన్స్ ఇస్తాడా..?

సినిమా ఇండస్ట్రీలో ఒక హీరో కోసం అనుకున్న కథతో మరో హీరో సినిమా చేసిన సందర్భాలు చాలానే ఉన్నాయి. ఇప్పుడు అలాంటి ఓ పరిస్థితి చోటుచేసుకోబోతుంది. మెగా పవర్ స్టార్ రామ్ చరణ్ కోసం రాసుకున్న కథతో సూపర్ స్టార్ మహేష్ బాబు సినిమా చేయబోతున్నట్లు సమాచారం. అసలు విషయంలోకి వస్తే.. ‘ఛలో’, ‘భీష్మ’ వంటి హిట్ సినిమాలను రూపొందించిన దర్శకుడు వెంకీ కుడుముల ప్రస్తుతం తన తదుపరి సినిమా కోసం వర్క్ చేస్తున్నాడు. రామ్ చరణ్ తో సినిమా చేయాలనుకున్న వెంకీ కుడుములు ఓ కథను సిద్ధం చేసి అతడికి వినిపించినట్లు తెలుస్తోంది.

అయితే చరణ్ కి కథ పెద్దగా నచ్చకపోవడంతో నో చెప్పేశాడట. దీంతో వెంకీ కుడుముల అదే కథను మహేష్ బాబుకి వినిపించినట్లు తెలుస్తోంది. కథ ఇంట్రెస్టింగ్ గా అనిపించడంతో మహేష్ సినిమా చేయడానికి ఆసక్తి చూపుతున్నాడట. ఈ మధ్యకాలంలో మహేష్ బాబు తన పంథా మార్చుకున్నాడు. స్టార్ డైరెక్టర్లను మాత్రమే నమ్ముకోకుండా కుర్ర దర్శకులకు కూడా ఛాన్స్ ఇస్తున్నాడు. ఈ క్రమంలో వెంకీ కుడుముల ప్రాజెక్ట్ కూడా ఓకే అయ్యే ఛాన్స్ ఉందని అంటున్నారు.

ప్రస్తుతం మహేష్ బాబు.. పరశురామ్ దర్శకత్వంలో ‘సర్కారు వారి పాట’ సినిమాలో నటించనున్నాడు. ఈ సినిమా తరువాత త్రివిక్రమ్, రాజమౌళి లాంటి దర్శకులతో సినిమాలు చేయబోతున్నాడని టాక్. కానీ ప్రస్తుతం పరిస్థితుల్లో ఆ ప్రాజెక్ట్ లు సాధ్యమయ్యేలా కనిపించడం లేదు. మరి మహేష్ తన తదుపరి ప్రాజెక్ట్ ఎవరితో చేస్తాడో చూడాలి!

Most Recommended Video

బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?