వెంకీ మామతో పోటీ పడుతున్న విజయ్ విజిల్!

రియల్ లైఫ్ మామా-మేనల్లుడు అయిన వెంకటేష్, నాగచైతన్య వెండితెరపై కలిసి నటిస్తున్న చిత్రం “వెంకీ మామ”. వెంకీ సరసన పాయల్ రాజ్ పుట్, నాగచైతన్య సరసన రాశీఖన్నా జంటగా నటిస్తున్న ఈ చిత్రానికి బాబీ దర్శకుడు. దీపావళికి ఈ చిత్రాన్ని విడుదల చేసేందుకు సన్నాహాలు జరుగుతున్నాయి. ఈ సినిమాకి మరో పోటీ లేకపోవడంతో సూపర్ హిట్ అయిపోతుంది అనుకొన్నారు జనాలు. అయితే.. మరో స్ట్రయిట్ తెలుగు సినిమాతో పోటీ లేకపోయినా.. డబ్బింగ్ సినిమా నుండి మాత్రం గట్టి పోటీ ఎదుర్కొనే అవకాశం ఉంది.

తమిళ సూపర్ స్టార్ విజయ్ నటించిన “బిగిల్” చిత్రాన్ని తెలుగులో “విజిల్” పేరుతో అనువదించి దీపావళికి విడుదల చేసేందుకు సన్నాహాలు జరుగుతున్నాయి. విజయ్ మునుపటి సినిమా “అదిరింది”కి కూడా మంచి ఓపెనింగ్స్ వచ్చాయి. మాస్ జనాల్లో విజయ్ కి మంచి మార్కెట్ ఉంది. దాంతో బి, సి సెంటర్స్ లో “వెంకీ మామ”కి “విజిల్” గట్టి పోటీగా నిలిచే అవకాశాలు గట్టిగానే ఉన్నాయి.